പാകിസ്​താൻ തീവ്രവാദം അവസാനിപ്പിച്ചാൽ ഇന്ത്യ ‘‘നീരജ്​ ചോപ്ര’’യെ പോലെ പെരുമാറും- കരസേനാ മേധാവി

ന്യൂഡൽഹി: പാകിസ്​താൻ തീവ്രവാദ പ്രവർത്തനങ്ങൾ അവസാനിപ്പിക്കുകയാണെങ്കിൽ ഇന്ത്യൻ ​സൈന്യം ഏഷ്യൻ ഗെയിംസിൽ മെഡൽ നേടിയ നീരജ്​ ചോപ്രയെ പോലെ പെരുമാറുമെന്ന്​ കരസേന മേധാവി ബിപിൻ റാവത്ത്​. തീവ്രവാദ പ്രവർത്തനങ്ങൾ അവസാനിപ്പിക്കാൻ പാകിസ്​താൻ മുൻകൈ എടുത്താൽ അതിനെ പ്രോത്സാഹിപ്പിച്ചുകൊണ്ട്​ ഇന്ത്യൻ സൈന്യം നിലപാട്​ എടുക്കുമെന്ന്​ ബിപിൻ റാവത്ത്​ പറഞ്ഞു. ഏഷ്യൻ ഗെയിംസിലെ മെഡൽ ജേതാക്കളെ ആദരിക്കുന്ന ചടങ്ങിൽ സംസാരിക്കുകയായിരുന്നു അദ്ദേഹം.

ഏഷ്യൻ ഗെയിംസിൽ ജാവ്​ലിൻ ത്രോയിൽ സ്വർണമെഡൽ നേടിയ നീരജ്​ ചോപ്ര വെങ്കലം നേടിയ പാകിസ്​താൻ താരത്തിന്​ ഹസ്​താനം ചെയ്​തുകൊണ്ട്​ വേദിയിൽ നിൽക്കുന്ന ചിത്രം വൈറലായിരുന്നു.
കശ്​മീരിലെ സ്ഥിതിഗതികൾ 2017 നെ അപേക്ഷിച്ച്​ മെച്ചപ്പെട്ടിട്ടു​ണ്ടെന്നും നുഴഞ്ഞകയറ്റങ്ങൾ തടയാൻ ശക്തമായ നടപടികളാണ്​ കൈ​കൊണ്ടിരിക്കുന്നതെന്നും അദ്ദേഹം വ്യക്തമാക്കി.
ഇന്ത്യയിലെ കായികതാരങ്ങൾക്ക്​ കൂടുതൽ അന്താരാഷ്​ട്ര വേദികൾ വേണമെന്നും ബിപിൻ റാവത്ത്​ പറഞ്ഞു. 2020 ഒളിമ്പിക്​സിലേക്ക്​ തയാറാകുന്നതിന്​ താരങ്ങൾ പരമാവധി അന്തരാഷ്​ട്ര വേദികളും മത്സരങ്ങളും ഉപയോഗപ്പെടുത്തണം. ഏഷ്യൻ ഗെയിംസിൽ​ കരസേനയിൽ നിന്ന്​ 73 കായിക താരങ്ങളും പരിശീലകരും പ​െങ്കടുത്തു. സേനാംഗങ്ങൾ നാലു സ്വർണവും നാലു​ വെള്ളിയുമുൾപ്പെടെ 11 മെഡലുകൾ ഇന്ത്യക്കായി നേടിയെന്നും അടുത്ത ഒളിമ്പിക്​സിൽ കൂടുതൽ മെഡലെന്ന ലക്ഷ്യത്തേക്ക്​ താരങ്ങൾ കുതിക്കണമെന്നും കരസേനാ മേധാവി പറഞ്ഞു.