പിസ വീടുകളിലെത്തിക്കുന്നു; റേഷൻ വീട്ടിലെത്തിക്കുന്നതിന്​ എന്താണ്​ തടസം, കേന്ദ്രത്തിനെതിരെ കെജ്​രിവാൾ

ന്യൂഡൽഹി: റേഷൻ വീടുകളിൽ വിതരണം ചെയ്യുന്ന പദ്ധതി തടഞ്ഞ കേന്ദ്രസർക്കാറിനെതിരെ വിമർശനവുമായി ഡൽഹി മുഖ്യമന്ത്രി അരവിന്ദ്​ കെജ്​രിവാൾ. പിസ വീട്ടിലെത്തിക്കുന്ന നാട്ടിൽ റേഷന്​ എന്തുകൊണ്ട്​ അത്​ ബാധകമാവുന്നില്ലെന്ന്​ കെജ്​രിവാൾ ചോദിച്ചു. റേഷൻ മാഫിയയാണ്​ പദ്ധതിക്ക്​ തുരങ്കം വെക്കുന്നതെന്നും കെജ്​രിവാൾ ആരോപിച്ചു. ഡിജിറ്റൽ പ്രസ്​ കോൺഫറൻസിലാണ്​ കെജ്​രിവാളി​െൻറ പരാമർശം.

പദ്ധതിക്ക്​ മുൻകൂർ അനുമതി വാങ്ങിയില്ലെന്ന കേന്ദ്രസർക്കാർ വാദത്തേയും കെജ്​രിവാൾ നിഷേധിച്ചു. അഞ്ച്​ തവണ പദ്ധതിക്ക്​ അനുമതി തേടി കേന്ദ്രത്തെ സമീപിച്ചിരുന്നു. നിയമമനുസരിച്ച്​ അത്തരത്തിലൊരു അനുമതി കേന്ദ്രസർക്കാറിൽ നിന്ന്​ വാങ്ങേണ്ട ആവശ്യമുണ്ടായിരുന്നില്ലെന്നും കെജ്​രിവാൾ പറഞ്ഞു.

റേഷൻ മാഫിയയുടെ സ്വാധീനത്താൽ ഒരു സർക്കാർ പദ്ധതിയിൽ നിന്ന്​ പിന്നാക്കം പോകുന്നത്​ ഇത്​ ആദ്യമായിട്ടായിരിക്കും. ഈ പദ്ധതിക്ക്​ അനുമതി നൽകിയാൽ അതി​െൻറ മുഴുവൻ ക്രെഡിറ്റും ഞാൻ​ മോദിക്ക്​ നൽകും. 70 ലക്ഷത്തോളം വരുന്ന പാവപ്പെട്ട ജനങ്ങൾ പദ്ധതി നടന്നുകാണാൻ ആഗ്രഹിക്കുന്നുണ്ടെന്നും അദ്ദേഹം പറഞ്ഞു.