വീട്ടിൽ പണമില്ലെങ്കിൽ അടച്ചിടാൻ പാടില്ല; ഡെപ്യൂട്ടി കലക്ടറുടെ വീട് കുത്തിത്തുറന്ന കള്ളൻമാർ കടന്നത് വ്യത്യസ്തമായ കുറിപ്പ് ഉപേക്ഷിച്ച്
text_fieldsഭോപാൽ: മധ്യപ്രദേശിൽ ഡെപ്യൂട്ടി കലക്ടറുടെ വീട് കുത്തിതുറന്ന മോഷ്ടാക്കൾ കടന്നുകളഞ്ഞത് വ്യത്യസ്തമായ ഒരു കുറിപ്പ് ഉപേക്ഷിച്ച്. ദേവാസിലെ ത്രിലോചൻ കൗർ സിവിൽ ലൈനിലെ ഡെപ്യൂട്ടി കലക്ടറുടെ ഒൗദ്യോഗിക വസതിയിലാണ് സംഭവം.
'വീട്ടിൽ പണമില്ലെങ്കിൽ നിങ്ങൾ ഇത് അടച്ചിടാൻ പാടില്ല, കലക്ടർ' -എന്നായിരുന്നു സന്ദേശം. കുറിപ്പിന്റെ ചിത്രം വൻതോതിൽ സമൂഹമാധ്യമങ്ങളിൽ പ്രചരിച്ചു. മുതിർന്ന പൊലീസ് ഉദ്യോഗസ്ഥരുടെ ഔേദ്യാഗിക വസതികളാണ് തൊട്ടടുത്ത്. ഇത് പൊലീസിന് കൂടുതൽ വെല്ലുവിളി ഉയർത്തുകയും ചെയ്യുന്നു.
അടുത്തിടെയാണ് ത്രിലോചൻ ഗൗർ ദേവാസിലെ ഖത്തേഗോൺ തഹസിൽ എസ്.ഡി.എമ്മായി നിയമിതനാകുന്നത്. 20 ദിവസത്തോളം ഇദ്ദേഹം വീട്ടിലുണ്ടായിരുന്നില്ല. അവധിക്ക് ശേഷം തിരികെയെത്തിയപ്പോൾ വീട്ടിൽ മോഷണം നടന്നതായി ശ്രദ്ധയിൽപ്പെടുകയായിരുന്നു. വീട്ടുപകരണങ്ങളെല്ലാം അലങ്കോലമാക്കി ഇട്ടിരിക്കുകയായിരുന്നു. കുറച്ച് പണവും വെള്ളിയാഭരണങ്ങളും കാണാതായിരുന്നു. 30000 രൂപയാണ് മോഷണം പോയതെന്ന് പൊലീസ് അറിയിച്ചു.
'30,000 രൂപയും കുറച്ച് ആഭരണവും ത്രിലോചൻ കൗറിന്റെ ഒൗദ്യോഗിക വസതിയിൽനിന്നും മോഷണം പോയി. മോഷണം നടന്നതിന്റെ യഥാർഥ സമയം വ്യക്തമല്ല' -പൊലീസ് അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.