‘ഞരമ്പുകളിൽ താക്കറെയുടെ രക്​തമെങ്കിൽ മന്ത്രിസഭയിൽ നിന്ന്​ ഇറങ്ങിപ്പോകൂ’

മുംബൈ: മുൻ സഖ്യകക്ഷികളെ തെരഞ്ഞെടുപ്പിൽ തോൽപ്പിക്കുമെന്ന ശിവസേനയോടുള്ള അമിത്​ ഷായുടെ വെല്ലുവിളിക്ക്​ പിറ കെ മഹാരാഷ്​ട്ര നാഷണലിസ്​റ്റ്​ കോൺഗ്രസ്​ പാർട്ടി അധ്യക്ഷൻ ജയന്ത്​ പാട്ടീലും ശിവസേനക്കെതിരെ വെല്ലുവിളിയുമായ ി രംഗത്ത്​.

ബി.ജെ.പിയുടെ പ്രസിഡൻറ്​ നിങ്ങളെ തോൽപ്പിക്കുമെന്ന്​ പറഞ്ഞിരിക്കുന്നു. ഞരമ്പുകളിൽ ബാൽ താക്കറെയു​െട രക്​തമാണ്​ ഒാടുന്നതെങ്കിൽ നാളത്തെ സംസ്​ഥാന മന്ത്രിസഭയിൽ നിന്ന്​ ഇറങ്ങിപ്പോകാനുള്ള ധൈര്യം കാണിക്കൂ - ജയന്ത്​ പാട്ടീൽ പറഞ്ഞു.

ലോക്​സഭാ തെരഞ്ഞെടുപ്പിൽ സഖ്യമില്ലെങ്കിൽ മുൻ സഖ്യകക്ഷികളെ ബി.ജെ.പി ഏതുവിധേനയും തോൽപ്പിക്കു​െമന്നായിരുന്നു അമിത്​ഷായുടെ മുന്നറിയിപ്പ്​.

ബി.ജെ.പിക്കെതിരായ ആക്രമണം തുടരുന്നതിനിടയിലും രണ്ടു ദിവസം മുമ്പ്​ പട്ടണത്തി​ലെ ഹോട്ടലിൽ വെച്ച്​ ഉദ്ധവ്​ താക്കറെ മുഖ്യമന്ത്രി ദേവേന്ദ്ര ഫട്​നാവിസുമായി കൂടിക്കാഴ്​ച നടത്തിയിരുന്നുവെന്നും പാട്ടീൽ ആരോപിച്ചു.