ബഹുജൻ ആസാദി പാർട്ടിയുമായി ​​െഎ.​െഎ.ടിയിലെ പൂർവ്വവിദ്യാർഥികൾ

ന്യൂഡൽഹി: ഇന്ത്യൻ ഇസ്​റ്റിറ്റ്യൂട്ട്​ ഒാഫ്​ ടെക്​നോളജിയിൽ നിന്നുളള പൂർവ്വ വിദ്യാർഥികൾ പുതിയ പാർട്ടിയുമായി രാഷ്​ട്രീയത്തിലേക്ക്​. പട്ടിക ജാതി/വർഗക്കാരുടെയും മറ്റ്​ പിന്നാക്ക സമുദായങ്ങളുടെയും അവകാശങ്ങൾക്കും ഉന്നമനത്തിനുമായി പോരാടാനാണ്​ പുതിയ പാർട്ടി രൂപീകരണത്തിന്​ െഎ.​െഎ.ടി പൂർവ്വവിദ്യാർഥികൾ രംഗത്തെത്തിയിരിക്കുന്നത്​. ഇന്ത്യയിലെ വിവിധ ​െഎ.​െഎ.ടികളിൽ നിന്നും പഠിച്ചിറങ്ങിയ 50 അംഗങ്ങളാണ്​ പാർട്ടിക്ക്​ ചുക്കാൻ പിടിക്കുന്നത്​്​. ബഹുജൻ ആസാദി പാർട്ടി എന്ന പേരിൽ പാർട്ടി രജിസ്​റ്റർ ചെയ്യാനാണ്​ നീക്കം. പാർട്ടിയുടെ പേര്​ തെരഞ്ഞെടുപ്പ്​ കമ്മീഷൻ അംഗീകാരിക്കാൻ കാത്തിരിക്കുകയാണ്​ സംഘം. 

2015ൽ ഡൽഹി ​െഎ.​െഎ.ടിയി​ൽ നിന്നും ബിരുദം നേടിയ നവീൻ കുമാർ എന്ന യുവാവാണ്​ സംഘത്തെ നയിക്കുന്നത്​. 2019 ലോക്​സഭാ തെരഞ്ഞെടുപ്പ്​ ലക്ഷ്യം വെച്ചല്ല തങ്ങൾ പാർട്ടി രൂപീകരിക്കുന്നതെന്ന്​ നവീൻകുമാർ പറഞ്ഞു. ​പാർശ്വവത്​കരിക്കപ്പെട്ടവർക്കു വേണ്ടിയുള്ള എളിയ രാഷ്​ട്രീയ സംഘമാണ്​ തങ്ങൾ ഉദ്ദേശിക്കുന്നത്​. പ്രവർത്തനങ്ങൾ വ്യാപിപ്പിച്ച്​ 2020 ബിഹാർ നിയമസഭാ തെരഞ്ഞെടു​പ്പിൽ മത്സരിച്ചുകൊണ്ട്​ തുടങ്ങും. അതിനുശേഷമുള്ള ലോക്​സഭാ തെരഞ്ഞെടുപ്പിലും മത്സരിക്കുമെന്ന്​ നവീൻ കുമാർ പറഞ്ഞു. 

പട്ടികജാതി/വർഗ വിഭാഗത്തിലുള്ളവരും മറ്റ്​ പിന്നാക്ക സമുദായത്തിലുള്ളവരുമാണ്​ പാർട്ടിയിൽ കുടുതലായുള്ളത്​. പിന്നാക്ക വിഭാഗങ്ങളുടെ വിദ്യാഭ്യാസ നിലവാരം വർധിപ്പിക്കുന്നതിനും മെച്ചപ്പെട്ട തൊഴിൽ ഉറപ്പുവരുത്തുന്നതിനുമാണ്​ പാർട്ടി മുൻഗണന നൽകുന്നത്​. 
ബഹുജൻ ആസാദി പാർട്ടിയെന്ന പേരിൽ അടച്ചടിച്ച പോസ്​റ്ററുകളും പ്രത്യക്ഷപ്പെട്ടിട്ടുണ്ട്​. ബി.ആർ അംബേദ്​കർ, സുഭാഷ്​ ചന്ദ്രബോസ്​, എ.പി.ജെ അബ്​ദുൾ കലാം തുടങ്ങിയവരുടെ ചിത്രങ്ങളാണ്​ പോസ്​റ്ററിലുള്ളത്​. സമ​ൂഹ മാധ്യമങ്ങൾ വഴിയും പ്രചരണം തുടങ്ങിയിട്ടുണ്ട്​.