സുരക്ഷ വ​ർ​ധി​പ്പി​ക്ക​ൽ: ഡൽഹി ​ഐ.ഐ.ടിയുമായി ​കൈകോർത്ത് റെയിൽവേ

ന്യൂ​ഡ​ൽ​ഹി: റെ​യി​ൽ​വേ സു​ര​ക്ഷ​യും കാ​ര്യ​ക്ഷ​മ​ത​യും മെ​ച്ച​പ്പെ​ടു​ത്തു​ന്ന​തി​നാ​യി ഡ​ൽ​ഹി ഐ.​ഐ.​ടി​യു​മാ​യി ധാ​ര​ണ​യി​ലെ​ത്തി റെ​യി​ൽ​വേ. ഇ​തു സം​ബ​ന്ധി​ച്ച് റെ​യി​ൽ​വേ​ക്ക് കീ​ഴി​ലെ സെ​ന്റ​ർ ഫോ​ർ റെ​യി​ൽ​വേ ഇ​ൻ​ഫ​ർ​മേ​ഷ​ൻ സി​സ്റ്റം (സി.​ആ​ർ.​ഐ.​എ​സ്) ഐ.​ഐ.​ടി ഡ​ൽ​ഹി​യു​മാ​യി ധാ​ര​ണ​പ​ത്രം ഒ​പ്പു​വെ​ച്ചു.

ട്രെ​യി​നു​ക​ളി​ലെ​യും പാ​ള​ങ്ങ​ളു​ടെ​യും സു​ര​ക്ഷ വ​ർ​ധി​പ്പി​ക്ക​ൽ, ചെ​ല​വ് കു​റ​ക്ക​ൽ, ആ​ധു​നി​ക സാ​​​​ങ്കേ​തി​ക സം​വി​ധാ​ന​ങ്ങ​ൾ ന​ട​പ്പാ​ക്ക​ൽ തു​ട​ങ്ങി​യ മേ​ഖ​ല​ക​ളി​ൽ ഐ.​ഐ.​ടി ഡ​ൽ​ഹി​യി​ലെ മെ​ക്കാ​നി​ക്ക​ൽ എ​ൻ​ജി​നീ​യ​റി​ങ്, ക​മ്പ്യൂ​ട്ട​ർ സ​യ​ൻ​സ്, മാ​നേ​ജ്മെ​ന്റ് സ്റ്റ​ഡീ​സ് വി​ഭാ​ഗ​ങ്ങ​ളി​ലെ വി​ദ​ഗ്ധ​ർ ഗ​വേ​ഷ​ണ-​വി​ക​സ​ന പ്ര​വ​ർ​ത്ത​ന​ങ്ങ​ൾ ന​ട​ത്തും. ഇ​ന്ത്യ​ൻ റെ​യി​ൽ​വേ​യു​ടെ അ​ടി​സ്ഥാ​ന സൗ​ക​ര്യ​ങ്ങ​ൾ മെ​ച്ച​പ്പെ​ടു​ത്തു​ന്ന​തി​നു​ള്ള നി​ർ​ണാ​യ​ക ചു​വ​ടു​വെ​പ്പാ​ണി​തെ​ന്ന് ഡ​ൽ​ഹി ഐ.​ഐ.​ടി പ്ര​ഫ. പ്രീ​തി ര​ഞ്ജ​ൻ പാ​ണ്ഡ പ​റ​ഞ്ഞു.

ഡ​ൽ​ഹി ഐ.​ഐ.​ടി​യു​മാ​യു​ള്ള കൂ​ട്ടാ​യ പ്ര​വ​ർ​ത്ത​നം റെ​യി​ൽ​വേ പ്ര​വ​ർ​ത്ത​ന​ങ്ങ​ളി​ൽ ഗ​ണ്യ​മാ​യ പു​രോ​ഗ​തി കൈ​വ​രി​ക്കു​ന്ന​തി​നും യാ​ത്ര​ക്കാ​രു​ടെ അ​നു​ഭ​വം മെ​ച്ച​പ്പെ​ടു​ത്തു​ന്ന​തി​നും സ​ഹാ​യ​ക​ര​മാ​കു​മെ​ന്ന് സി.​ആ​ർ.​ഐ.​എ​സ് മാ​നേ​ജി​ങ് ഡ​യ​റ​ക്ട​ർ ജി.​വി.​എ​ൽ സ​ത്യ​കു​മാ​റും വ്യ​ക്ത​മാ​ക്കി. വിവിധി വിഷയങ്ങളിൽ സ്വി​റ്റ്‌​സ​ർ​ല​ൻ​ഡു​മാ​യും ക​ഴി​ഞ്ഞ ദി​വ​സം റെ​യി​ൽ​വേ ധാ​ര​ണ​പ​ത്രം ഒ​പ്പു​വെ​ച്ചി​രു​ന്നു.