ജമ്മുവിൽ 168 റോഹിങ്ക്യകളെ ജയിലിലടച്ചു

ജമ്മു: ജമ്മുവിൽ അനധികൃതമായി താമസിക്കുന്ന 168 റോഹിങ്ക്യകളെ ജയിലിലടച്ചതായി അധികൃതർ. ഇവിടെ താമസിക്കുന്ന റോഹിങ്ക്യകളുടെ ബയോമെട്രിക്​ വിവരങ്ങൾ ഉൾപ്പെടെ ശേഖരിക്കുന്ന ദൗത്യത്തിന്​ കഴിഞ്ഞ ദിവസം തുടക്കംകുറിച്ചിട്ടുണ്ട്​.

മതിയായ രേഖകളില്ലാതെ നഗരത്തിൽ താമസിക്കുന്ന വിദേശികളെ കണ്ടെത്താനുള്ള ശ്രമത്തിലാണ്​ ഭരണകൂടം. സർക്കാർ രേഖയനുസരിച്ച്​ 13,700 വിദേശികൾ ജമ്മു, സാംബ ജില്ലകളിലുണ്ട്​.

ഇതിൽ ബം​ഗ്ലാദേശികളുടെയും റോഹിങ്ക്യൻ മുസ്​ലിംകളുടെയും എണ്ണം 2008നും 2016നും ഇടയിൽ 6000ത്തിലധികം വർധിച്ചുവെന്ന്​ കണക്കുകൾ പറയുന്നു.