ഡോക്​ടർമാർക്കെതിരായ ആക്രമണം തടയാൻ മോദി ഇടപെടണമെന്ന്​ ഐ.എം.എ

ന്യൂഡൽഹി: ഡോക്​ടർമാർക്കെതിരായ ആക്രമണം തടയാൻ പ്രധാനമന്ത്രി നരേന്ദ്ര മോദി ഇടപെടണമെന്ന്​ ഐ.എം.എ. കോവിഡിനെ കുറിച്ച്​ വ്യാപകമായി വ്യാജവാർത്തകൾ പ്രചരിക്കുകയാണെന്നും ഐളഎം.എ വ്യക്​തമാക്കി. കോവിഡിനെതിരായ പോരാട്ടത്തിൽ മുൻനിര പ്രവർത്തകരായ ഡോക്​ടർമാർ വ്യാപകമായി ആക്രമിക്കപ്പെടുകയാണെന്നും ഐ.എം.എ വ്യക്​തമാക്കി.

കോവിഡ്​ ബാധിച്ച്​ ഏ​കദേശം 1400ഓളം ഡോക്​ടർമാർ മരിച്ചുവെന്ന ഐ.എം.എ പറഞ്ഞു. അതേസമയം, വ്യാജ വാർത്തകൾക്കെതിരെയും പ്രധാനമന്ത്രിയുടെ ഇടപെടലുണ്ടാവണമെന്ന്​ ഏജൻസി ആവശ്യപ്പെട്ടു. ചില ആളുകൾ വാക്​സി​െൻറ വിശ്വാസ്യതയെ സംബന്ധിച്ച്​ വ്യാജ വാർത്തകൾ പ്രചരിപ്പിക്കുകയാണെന്ന്​ ഐ.എം.എ ആരോപിച്ചു.

അസമിൽ ഡോക്​ടർ ആക്രമിക്കപ്പെട്ട സംഭവം കഴിഞ്ഞ ദിവസമാണ്​ റിപ്പോർട്ട്​ ചെയ്​തത്​. ഇതിന്​ പിന്നാലെയാണ്​ ഡോക്​ടർമാർക്കെതിരായ അ​തിക്രമങ്ങളിൽ മോദിയുടെ ഇടപെടൽ ആവശ്യപ്പെട്ട്​ ഐ.എം.എ രംഗത്തെത്തിയത്​.