ബി.ജെ.പി ഭരിക്കുന്ന സംസ്​ഥാനങ്ങളിൽ മദ്യം നിരോധിക്കണമെന്ന ആവശ്യവുമായി ഉമ ഭാരതി

ന്യൂഡൽഹി: രാജ്യത്ത്​ ബി.ജെ.പി ഭരിക്കുന്ന സംസ്​ഥാനങ്ങളിൽ മദ്യം നിരോധിക്കണമെന്ന ആവശ്യവുമായി മധ്യപ്രദേശ്​ മുൻ മുഖ്യമന്ത്രിയും മുതിർന്ന ബി.ജെ.പി നേതാവുമായ ഉമ ഭാരതി. ബി.​െജ.പി ദേശീയ പ്രസിഡന്‍റ്​ ജെ.പി. നഡ്ഡ​യോട്​ ഇക്കാര്യം ഉന്നയിച്ചു.

വ്യാഴാഴ്ച എ​ട്ടോളം ട്വീറ്റുകളിലൂടെ തുടർച്ചയായി ഉമ ഭാരതി നിർ​ദ്ദേശം മു​േന്നാട്ടുവെക്കുകയായിരുന്നു. മധ്യപ്രദേശിൽ മദ്യശാലകളുടെ എണ്ണം കൂട്ടാൻ പോകുന്നുവെന്ന വാർത്തകൾ പുറത്തുവന്നതിന്​ പിന്നാലെയാണ്​ ഉമ ഭാരതിയുടെ പ്രതികരണം.

ബിഹാറിൽ ​ജെ.ഡി.യു നേതാവ്​ നിതീഷ്​ കുമാർ മദ്യനിരോധനം ​െകാണ്ടുവന്നതോടെ സ്​ത്രീകളുടെ വോട്ടുകൾ നേടി തെരഞ്ഞെടുപ്പുകളിൽ വിജയം കൈവരിക്കുകയായിരുന്നു. മധ്യപ്രദേശിൽ മദ്യശാലകളുടെ എണ്ണം കൂട്ടാൻ തീരുമാനിച്ചിട്ടില്ലെന്നും മുഖ്യമന്ത്രി ശിവരാജ്​ സിങ്​ ചൗഹാന്‍റെ നിലപാട്​ പ്രശംസ അർഹിക്കുന്നതാണെന്നും അവർ കൂട്ടിച്ചേർത്തു.

കോവിഡ്​ 19നെ തുടർന്ന്​ പ്രഖ്യാപിച്ച ലോക്​ഡൗൺ സമയത്ത്​ കോവിഡ്​ ബാധിച്ച്​ നിരവധി പേർ മരിച്ചു. എന്നാൽ മദ്യം കഴിച്ച്​ ആരും മരിച്ചില്ല. മധ്യപ്രദേശിലെയും ഉത്തർപ്രദേശിലെയും മദ്യദുരന്തങ്ങൾ ചൂണ്ടിക്കാണിച്ചപ്പോൾ കൂടുതലായും റോഡ്​ അപകടങ്ങൾ മൂലമാണ്​ ഇത്തരം മരണങ്ങളുണ്ടാകുന്നതെന്നും അവർ പറഞ്ഞു.