വ്യാ​പാ​രി​ക​ളു​ടെ അ​തൃ​പ്തി മാ​റ്റി​യെ​ടു​ക്കാ​ൻ ശ്ര​മം; ചെറുകിട വ്യാപാരമേഖലയിൽ ദേശീയ നയത്തിന് ഒരുക്കം

ന്യൂ​ഡ​ൽ​ഹി: ജി.​എ​സ്.​ടി സം​വി​ധാ​ന​ത്തി​ൽ ര​ജി​സ്റ്റ​ർ ചെ​യ്ത ചെ​റു​കി​ട വ്യാ​പാ​രി​ക​ൾ​ക്കാ​യി ദേ​ശീ​യ​ന​യം പ്ര​ഖ്യാ​പി​ക്കാ​ൻ ഒ​രു​ങ്ങി കേ​ന്ദ്ര​സ​ർ​ക്കാ​ർ. ഇ​വ​ർ​ക്കാ​യി അ​പ​ക​ട ഇ​ൻ​ഷു​റ​ൻ​സ് പ​ദ്ധ​തി കൊ​ണ്ടു​വ​രും. ചി​ല്ല​റ വ്യാ​പാ​രി​ക​ൾ​ക്ക് കൂ​ടു​ത​ൽ വാ​യ്പ​യും മെ​ച്ച​പ്പെ​ട്ട അ​ടി​സ്ഥാ​ന സൗ​ക​ര്യ​ങ്ങ​ളും ന​ൽ​കാ​ൻ ദേ​ശീ​യ ന​യ​ത്തി​ൽ ശ്ര​മി​ക്കു​മെ​ന്ന് സ​ർ​ക്കാ​ർ വൃ​ത്ത​ങ്ങ​ൾ വി​ശ​ദീ​ക​രി​ച്ചു.

ചെ​റു​കി​ട വ്യാ​പാ​ര മേ​ഖ​ല​യു​ടെ ന​വീ​ക​ര​ണം, ഡി​ജി​റ്റ​ൽ​വ​ത്ക​ര​ണം, വി​ത​ര​ണ സം​വി​ധാ​ന​ത്തെ സ​ഹാ​യി​ക്കു​ന്ന അ​ടി​സ്ഥാ​ന സൗ​ക​ര്യ​മൊ​രു​ക്ക​ൽ, നൈ​പു​ണ്യ വി​ക​സ​നം, ഫ​ല​പ്ര​ദ​മാ​യ പ​രാ​തി പ​രി​ഹാ​ര സം​വി​ധാ​നം എ​ന്നി​വ​യും ല​ക്ഷ്യ​ങ്ങ​ളാ​ണ്.

ലോ​ക​​ത്തെ അ​ഞ്ചാ​മ​ത്തെ വ​ലി​യ ചി​ല്ല​റ വ്യാ​പാ​ര വി​പ​ണി​യാ​ണ് ഇ​ന്ത്യ​യു​​ടേ​ത്. ഇ​ൻ​ഷു​റ​ൻ​സ് പ​ദ്ധ​തി ധ​ന, വാ​ണി​ജ്യ മ​ന്ത്രാ​ല​യ​ങ്ങ​ൾ ചേ​ർ​ന്ന് രൂ​പ​പ്പെ​ടു​ത്തി വ​രു​ക​യാ​ണെ​ന്നും ബ​ന്ധ​പ്പെ​ട്ട​വ​ർ സൂ​ചി​പ്പി​ച്ചു. ചെ​റു​കി​ട വ്യാ​പാ​ര മേ​ഖ​ല​യോ​ടു​ള്ള സ​ർ​ക്കാ​ർ സ​മീ​പ​ന​ത്തി​ൽ വ്യാ​പാ​രി​ക​ൾ​ക്കി​ട​യി​ൽ നി​ല​നി​ൽ​ക്കു​ന്ന അ​തൃ​പ്തി തി​രി​ച്ച​റി​ഞ്ഞാ​ണ് സ​ർ​ക്കാ​റി​ന്റെ ചു​വ​ടു​വെ​പ്പ്.

ഏ​റ്റ​വും കൂ​ടു​ത​ൽ പേ​ർ ജീ​വ​നോ​പാ​ധി ക​ണ്ടെ​ത്തു​ന്ന ഈ ​അ​സം​ഘ​ടി​ത മേ​ഖ​ല​യി​ൽ ​സാ​മൂ​ഹി​ക സു​ര​ക്ഷ പ​ദ്ധ​തി​ക​ളൊ​ന്നും നി​ല​വി​ലി​ല്ല.

ചെ​റു​കി​ട മേ​ഖ​ല പ്ര​ത്യ​ക്ഷ വി​ദേ​ശ നി​ക്ഷേ​പ​ത്തി​ന് തു​റ​ന്നു കൊ​ടു​ത്ത​ത് ത​ദ്ദേ​ശീ​യ​രാ​യ വ്യാ​പാ​രി​ക​ളു​ടെ പി​ടി​ച്ചു നി​ൽ​പ് പ്ര​യാ​സ​ത്തി​ലാ​ക്കി. ആ​ർ.​എ​സ്.​എ​സ് അ​നു​കൂ​ല സ്വ​ദേ​ശി ജാ​ഗ​ര​ൺ മ​ഞ്ച് അ​ട​ക്ക​മു​ള്ള സം​ഘ​ട​ന​ക​ൾ പ്ര​ക​ടി​പ്പി​ച്ച എ​തി​ർ​പ്പ് സ​ർ​ക്കാ​ർ വ​ക​വെ​ച്ചി​രുന്നില്ല.

ഇ​തി​നു പി​ന്നാ​ലെ മ​തി​യാ​യ ത​യാ​റെ​ടു​പ്പു​ക​ളി​ല്ലാ​തെ ജി.​എ​സ്.​ടി ന​ട​പ്പാ​ക്കി​യ​താ​ക​ട്ടെ, നി​കു​തി റി​ട്ടേ​ൺ ന​ൽ​കു​ന്ന​തി​ൽ അ​ട​ക്കം ചെ​റു​കി​ട വ്യാ​പാ​രി​ക​ളെ വ​ല​ച്ചു. മോ​ദി സ​ർ​ക്കാ​റി​ന്റെ നോ​ട്ട് നി​രോ​ധ​ന​വും ചി​ല്ല​റ വ്യാ​പാ​ര മേ​ഖ​ല​ക്ക് വ​ലി​യ ദു​രി​ത​മാ​ണ് ഉ​ണ്ടാ​ക്കി​യ​ത്.

ലോ​ക്സ​ഭ തെ​ര​ഞ്ഞെ​ടു​പ്പ് അ​ടു​ത്തു വ​രു​ന്ന​തി​നി​ട​യി​ൽ ഈ ​അ​സം​തൃ​പ്തി തീ​ർ​ത്തെ​ടു​ക്കാ​നൊ​രു വ​ഴി​യാ​ണ് ദേ​ശീ​യ ന​യ​ത്തി​ലൂ​ടെ സ​ർ​ക്കാ​ർ തേ​ടു​ന്ന​ത്. ന​യം എ​ന്ന് പു​റ​ത്തി​റ​ങ്ങു​മെ​ന്നും, പ്രാ​യോ​ഗി​ക​മാ​യി ​എ​ന്തൊ​ക്കെ ന​ട​പ്പാ​കു​മെ​ന്നും ഇ​നി​യും വ്യ​ക്ത​ത​യാ​യി​ട്ടി​ല്ല. ഔ​പ​ചാ​രി​ക​മാ​യി ന​യം സ​ർ​ക്കാ​ർ പ്ര​ഖ്യാ​പി​ക്കാ​ൻ മാ​സ​ങ്ങ​ൾ എ​ടു​ത്തേ​ക്കും.