ഇന്ത്യയിൽ ആദ്യമായി പിങ്ക്​ പുള്ളിപ്പുലിയെ കണ്ടെത്തി

ഉദയ്​പൂർ: ഇന്ത്യയിൽ ആദ്യമായി പിങ്ക്​ നിറത്തിലുള്ള അപൂർവ പുള്ളിപ്പുലിയെ കണ്ടെത്തി. ദേശീയ മാധ്യമങ്ങളാണ്​ ചിത്രസഹിതം വാർത്ത പുറത്തുവിട്ടത്​. ദക്ഷിണ രാജസ്ഥാനിലെ ആരവല്ലി മലനിരകളിലുള്ള രണക്​പൂർ മേഖലയിലാണ്​ പിങ്ക്​ പുള്ളിപ്പുലിയെ കണ്ടെത്തിയത്​.

2012ലും 2019ലും ദക്ഷിണാഫ്രിക്കയിൽ പിങ്ക്​ നിറത്തിലുള്ള പുള്ളിപ്പുലിയെ കണ്ടതായി റിപ്പോർട്ടുകളുണ്ട്​. രണക്​പൂരിലെയും കുംഭൽഗഡിലെയും പ്രദേശവാസികൾ പ്രദേശവാസികൾ തങ്ങൾ പിങ്ക്​ നിറത്തിലുള്ള പുള്ളിപ്പുലിയെ കണ്ടുവെന്ന്​ സാക്ഷ്യപ്പെടുത്തുന്നു.

ഉദയ്​പൂർ ആസ്ഥാനമായുള്ള വൈൽഡ് ലൈഫ് കൺസർവേറ്ററും ഫോട്ടോഗ്രാഫറുമായ ഹിതേഷ് മോട്​വാനി നാല് ദിവസത്തെ തിരച്ചിലിന് ശേഷം പിങ്ക്​ പുള്ളിപ്പുലിയുടെ ചിത്രങ്ങൾ പകർത്തിയതായി അവകാശപ്പെട്ടു. അഞ്ചോ ആറോ വയസ്സ് പ്രായമുണ്ടെന്ന് അദ്ദേഹം പറഞ്ഞു.