57,000 സൈനികരെ പുനർവിന്യസിക്കും 

ന്യൂ​ഡ​ൽ​ഹി: ക​ര​സേ​ന​യി​ൽ 57,000 പേ​രെ പു​ന​ർ​വി​ന്യ​സി​ക്കു​ന്ന​ത​ട​ക്കം, സൈ​ന്യ​ത്തി​ൽ വി​പു​ല പ​രി​ഷ്​​ക​ര​ണ​ങ്ങ​ൾ​ക്ക്​ കേ​ന്ദ്ര​മ​ന്ത്രി​സ​ഭ അം​ഗീ​കാ​രം.  സൈ​ന്യ​ത്തി​​െൻറ പോ​രാ​ട്ട​​ശേ​ഷി വ​ർ​ധി​പ്പി​ക്കു​ന്ന​തി​​െൻറ ഭാ​ഗ​മാ​യാ​ണ്​ ഇ​ത്ര സൈ​നി​ക​രെ അ​പ്ര​ധാ​ന മേ​ഖ​ല​ക​ളി​ൽ​നി​ന്ന്​ പോ​ർ​മു​ഖ​വു​മാ​യി ബ​ന്ധ​പ്പെ​ട്ട ചു​മ​ത​ല​ക​ളി​ലേ​ക്ക്​ മാ​റ്റി നി​യോ​ഗി​ക്കു​ന്ന​ത്. 

സൈ​ന്യ​ത്തി​​െൻറ പ്ര​തി​രോ​ധ ശേ​ഷി വ​ർ​ധി​പ്പി​ക്കു​ന്ന​തി​ന്​ റി​ട്ട. ല​ഫ്​ ജ​ന​റ​ൽ ഡി.​ബി ഷെ​ക​ത്​​ക​ർ സ​മി​തി മു​ന്നോ​ട്ടു​വെ​ച്ച 99 ശി​പാ​ർ​ശ​ക​ളി​ൽ 65 എ​ണ്ണം മ​ന്ത്രി​സ​ഭാ യോ​ഗം അം​ഗീ​ക​രി​ച്ചു. പ്ര​തി​രോ​ധ ചെ​ല​വ്​ വി​വി​ധ സേ​ന​ക​ൾ​ക്കി​ട​യി​ൽ കൂ​ടു​ത​ൽ സ​ന്തു​ലി​ത​മാ​ക്കു​ന്ന​തി​നു​ള്ള ശി​പാ​ർ​ശ ഇ​തി​ൽ ഉ​ൾ​പ്പെ​ടു​ന്നു. എ​ല്ലാ ശി​പാ​ർ​ശ​ക​ളും 2019 അ​വ​സാ​ന​ത്തോ​ടെ പ്രാ​വ​ർ​ത്തി​ക​മാ​ക്കു​മെ​ന്ന്​ മ​ന്ത്രി​സ​ഭാ യോ​ഗ​ത്തി​നു ശേ​ഷം പ്ര​തി​രോ​ധ മ​ന്ത്രി അ​രു​ൺ ജെ​യ്​​റ്റ്​​ലി വാ​ർ​ത്താ​ലേ​ഖ​ക​രോ​ട്​ പ​റ​ഞ്ഞു. ഇ​പ്പോ​ൾ അം​ഗീ​ക​രി​ച്ച ശി​പാ​ർ​ശ​ക​ൾ ക​ര​സേ​ന​യു​മാ​യി ബ​ന്ധ​പ്പെ​ട്ട​താ​ണ്. ബാ​ക്കി 34 എ​ണ്ണം നാ​വി​ക, വ്യോ​മ​സേ​ന​ക​ളു​മാ​യി ബ​ന്ധ​പ്പെ​ട്ട​താ​ണ്. ഒാ​ഫി​സ​ർ​മാ​ർ, ജൂ​നി​യ​ർ ക​മീ​ഷ​ൻ​ഡ്​ ഒാ​ഫി​സ​ർ​മാ​ർ, ഒ.​ആ​ർ​മാ​ർ, സി​വി​ലി​യ​ന്മാ​ർ എ​ന്നി​വ​രു​ടെ 57,000 വ​രു​ന്ന ത​സ്​​തി​ക​ളാ​ണ്​ പു​നഃ​ക്ര​മീ​ക​രി​ക്കു​ന്ന​ത്. 

സി​ഗ്​​ന​ൽ യൂ​നി​റ്റു​ക​ൾ, റി​പ്പ​യ​റി​ങ്​ വി​ഭാ​ഗ​ങ്ങ​ൾ, ഒാ​ർ​ഡ​ന​ൻ​സ്​ ഫാ​ക്​​ട​റി​ക​ൾ, ട്രാ​ൻ​സ്​​പോ​ർ​ട്ട്​ വി​ഭാ​ഗം തു​ട​ങ്ങി​യ​വ പു​ന​ർ​വി​ന്യ​സി​ക്കു​ന്ന​വ​യു​ടെ പ​ട്ടി​ക​യി​ൽ ഉ​ൾ​പ്പെ​ടു​ന്നു. സ​മാ​ധാ​ന മേ​ഖ​ല​ക​ളി​ലെ സൈ​നി​ക ഫാം, ​സൈ​നി​ക ത​പാ​ൽ വി​ഭാ​ഗ​ങ്ങ​ൾ പൂ​ട്ടും.  എ​ൻ.​സി.​സി​യു​ടെ കാ​ര്യ​ക്ഷ​മ​ത മെ​ച്ച​പ്പെ​ടു​ത്തും. ക​ഴി​ഞ്ഞ വ​ർ​ഷം മേ​യി​ലാ​ണ്​ ഷെ​ക​ത്​​ക​റു​ടെ നേ​തൃ​ത്വ​ത്തി​ൽ 11 അം​ഗ സ​മി​തി​യെ പ​ഠ​ന​ത്തി​ന്​ നി​യോ​ഗി​ച്ച​ത്. ക​ഴി​ഞ്ഞ ഡി​സം​ബ​റി​ൽ അ​വ​ർ പ്ര​തി​രോ​ധ മ​ന്ത്രാ​ല​യ​ത്തി​ന്​ റി​പ്പോ​ർ​ട്ട്​ ന​ൽ​കി​യി​രു​ന്നു.