കോവിഡ്​ മരണം; ലോകത്ത്​ പത്തിൽ ഒന്ന്​ ഇന്ത്യയിൽ

ന്യൂഡൽഹി: ലോകത്ത്​ കോവിഡ്​ ബാധിച്ച്​ മരിക്കുന്നവരിൽ പത്ത​ുപേരിൽ ഒരാൾ ഇന്ത്യയിൽ. 99,773 പേരാണ്​ രാജ്യത്ത്​ ഇതുവരെ കോവിഡ്​ ബാധിച്ച്​ മരിച്ചത്​. ലോകത്തിൽ ഇതുവരെ റിപ്പോർട്ട്​ ചെയ്​ത കോവിഡ്​ മരണങ്ങളിൽ പത്തുശതമാനവും ഇന്ത്യയിലാണ്​. സെപ്​റ്റംബറിൽ കോവിഡ്​ ബാധിതരുടെ എണ്ണവും മരണസംഖ്യയും കുതിച്ചുയർന്നിരുന്നു. ഇതോടെ കഴിഞ്ഞ ഒരാഴ്​ചക്കിടെ പ്രതിദിനം റിപ്പോർട്ട്​ ​​െചയ്യുന്ന മരണം​ 15 മുതൽ ​25 ശതമാനം വരെയായി ഉയർന്നു.

ആഗോളതലത്തിൽ പ്രതിദിനം 4,000 മുതൽ 6,000 വരെ കോവിഡ്​ മരണമാണ്​ റിപ്പോർട്ട്​ ​െചയ്യുന്നത്​. ഇന്ത്യയിൽ ഇത്​ ആയിരത്തിലധികവും. ഇന്ത്യയിൽ മരണനിരക്ക്​ സെപ്​റ്റംബറിൽ 1.56 ശതമാനമാണ്​. ഇന്ത്യയിൽ 63,94,069 പേർക്കാണ്​ ഇതുവരെ കോവിഡ്​ സ്​ഥിരീകരിച്ചത്​. 81,484 പേർക്കാണ്​ വ്യാഴാഴ്​ച പുതുതായി കോവിഡ്​ സ്​ഥിരീകരിച്ചത്​. 1095 മരണവും വെള്ളിയാഴ്​ച സ്​ഥിരീകരിച്ചിരുന്നു.

ഇന്ത്യയേക്കാൾ കൂടുതൽ മരണം റിപ്പോർട്ട്​ ​െചയ്യുന്ന രാജ്യം യു.എസ് ആണ്​. രോഗബാധിതരുടെ എണ്ണത്തിലും യു.എസാണ്​ മുമ്പിൽ.