ബി.ജെ.പി നശിപ്പിക്കാൻ ശ്രമിക്കുന്ന ജമ്മു കശ്മീരിന്റെ ആത്മാവിനെ ഇൻഡ്യ സഖ്യം സംരക്ഷിക്കും -കോൺഗ്രസ്
text_fieldsശ്രീനഗർ: ബി.ജെ.പി നശിപ്പിക്കാൻ ശ്രമിക്കുന്ന ജമ്മു കശ്മീരിന്റെ ആത്മാവിനെ ഇൻഡ്യ സഖ്യം സംരക്ഷിക്കുമെന്ന് കോൺഗ്രസ് ജനറൽ സെക്രട്ടറി കെ.സി. വേണുഗോപാൽ എം.പി. അതുകൊണ്ടാണ് ജമ്മു കശ്മീരിലെ ജനങ്ങളുമായി സൗഹൃദമുള്ള സർക്കാർ രൂപീകരിക്കാൻ കോൺഗ്രസും നാഷണൽ കോൺഫറൻസും ഒരുമിച്ചതെന്നും വേണുഗോപാൽ ചൂണ്ടിക്കാട്ടി.
സഖ്യം യഥാർഥ്യമാകാനായി ചർച്ച നടത്തി. അവസാനം ഞങ്ങളുടെ നേതാക്കൾ ഒരു തീരുമാനത്തിലെത്തി. ഞങ്ങൾ ഒരുമിച്ച് പോരാടും, ജമ്മു കശ്മീർ ജയിക്കും. ജമ്മു കശ്മീരിൽ ഞങ്ങൾ സർക്കാർ രൂപീകരിക്കുമെന്നും കെ.സി. വേണുഗോപാൽ വ്യക്തമാക്കി.
സെപ്റ്റംബർ 18, 25, ഒക്ടോബർ ഒന്ന് തീയതികളിൽ മൂന്ന് ഘട്ടങ്ങളായാണ് ജമ്മു കശ്മീർ നിയമസഭ തെരഞ്ഞെടുപ്പ് നടക്കുക. 90 നിയമസഭ മണ്ഡലങ്ങളിലേക്ക് നടക്കുന്ന തെരഞ്ഞെടുപ്പിന്റെ വോട്ടെണ്ണൽ ഒക്ടോബർ നാലിനാണ്. ജമ്മു കശ്മീരിൽ ഒന്നാം ഘട്ടത്തിൽ 24 സീറ്റിലും രണ്ടിൽ 26 സീറ്റിലും അവസാന ഘട്ടത്തിൽ 40 സീറ്റിലുമാകും തെരഞ്ഞെടുപ്പ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.