ഭീകരവാദത്തിനെതിരെ ലോകം അണിനിരക്കണം -പ്രധാനമന്ത്രി

ന്യൂഡല്‍ഹി: ഭീകരവാദത്തിനെതിരെ ലോകം ഒറ്റക്കെട്ടായി അണിനിരക്കണമെന്ന്​ പ്രധാനമന്ത്രി നരേന്ദ്ര മോദി. മുംബൈ ഭീകരാക്രമണത്തി​​െൻറ ഒമ്പതാം വാര്‍ഷികത്തില്‍ കൊല്ലപ്പെട്ടവരുടെ ത്യാഗത്തെ അനുസ്മരിക്കുന്നുവെന്നും പ്രതിമാസ റേഡിയോ പരിപാടിയായ മന്‍ കീ ബാത്തില്‍ അദ്ദേഹം പറഞ്ഞു. 

ഭീകരതയെന്ന വിഷയം ഇന്ത്യ ഉയര്‍ത്തിക്കൊണ്ടുവരാന്‍ തുടങ്ങിയിട്ട് നാലു ദശകമായി. ലോക രാജ്യങ്ങള്‍ ഇന്ന്​ ഇതിനെ ഗൗരവമായി കണ്ടുതുടങ്ങി. രാജ്യത്തി​​െൻറ സാമൂഹികഘടനയെ മോശമാക്കാന്‍ തീവ്രവാദവും വിഘടനവാദവും ശ്രമം നടത്തുകയാണ്. ഇതു മഹാവീര​​​െൻറയും ബുദ്ധ​​​െൻറയും ഗുരു നാനാക്കി​​​െൻറയും മഹാത്മാഗാന്ധിയുടെയും നാടാണ്. സമാധാനത്തി​​െൻറയും അക്രമരാഹിത്യത്തി​​​െൻറയും സന്ദേശം പകര്‍ന്ന നാട്. ഭീകരവാദം ഇതിനെയെല്ലാം തച്ചുടക്കുകയാണെന്നും മോദി പറഞ്ഞു.

നവംബര്‍ 26 ഭരണഘടന ദിനമാണ്. ഇന്ത്യയുടെ ഭരണഘടന നമ്മുടെ ജനാധിപത്യത്തി​​െൻറ ആത്മാവാണ്. ഭരണഘടനയുടെ വെളിച്ചത്തില്‍ ഭരണഘടന ശിൽപികളുടെ ചിന്താഗതിക്കനുസരിച്ച്​  പുതിയ ഇന്ത്യ നിര്‍മിക്കേണ്ടത് നമ്മുടെ ഉത്തരവാദിത്തമാണ്. എല്ലാവര്‍ക്കും സമത്വവും എല്ലാവരോടും സഹാനുഭൂതിയും എന്നത് ഭരണഘടനയുടെ മുഖമുദ്രയാണെന്നും അദ്ദേഹം കൂട്ടിച്ചേർത്തു.