വോട്ടിങ് മെഷീനുകളിൽ കൃത്രിമം; ഇൻഡ്യ സഖ്യം സുപ്രീം കോടതിയിലേക്ക്

ന്യൂ​ഡ​ൽ​ഹി: ഇ.വി.എം മെ​ഷീ​നു​ക​ൾക്കെതിരെ വ്യാപകമായി ആരോപണം ഉയർന്ന സാഹചര്യത്തിൽ ഇ​ൻഡ്യ സ​ഖ്യം സു​പ്രീം​കോ​ട​തി​യെ സമീപിക്കുകയാണ്. നാളിതു​വരെ ഇ.വി.എം മെഷീൻ ഉപയോഗിച്ച തെരഞ്ഞെടുപ്പിൽ ഏറെയും സംശയത്തിന്റെ നിഴലിൽ നിൽക്കുകയാണ്. ഒടുവിൽ, മ​ഹാ​രാ​ഷ്ട്ര, ഹ​രി​യാ​ന നി​യ​മ​സ​ഭാ തെ​ര​ഞ്ഞെ​ടു​പ്പി​ല്‍ കൃ​ത്രി​മം ന​ട​ന്നതായുള്ള ആരോപണം ശക്തമാണ്.

ഈ സാഹചര്യത്തിലാണ് എ​ൻ​.സി.പി നേ​താ​വ് ശ​ര​ദ് പ​വാ​റും ഡ​ല്‍​ഹി മു​ന്‍ മു​ഖ്യ​മ​ന്ത്രി അ​ര​വി​ന്ദ് കെ​ജ്​രി​വാ​ളും മു​തി​ർ​ന്ന കോ​ൺ​ഗ്ര​സ് നേ​താ​ക്ക​ളും പ്ര​മു​ഖ അ​ഭി​ഭാ​ഷ​ക​ന്‍ മ​നു അ​ഭി​ഷേ​ക് സിം​ഗ്‌​വി​യു​മാ​യി ഇന്നലെ ച​ര്‍​ച്ച ന​ട​ത്തി​യി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ വെ​ള്ളി​യാ​ഴ്ച സു​പ്രീം​കോ​ട​തി​യെ സ​മീ​പി​ക്കാ​ൻ തീ​രു​മാ​നി​ച്ചിരിക്കുകയാണ്.

മ​ഹാ​രാ​ഷ്ട്ര​യി​ലെ ഹ​ഡ​പ്‌​സ​ര്‍ സീ​റ്റി​ല്‍​നി​ന്ന് മ​ത്സ​രി​ച്ച് പ​രാ​ജ​യ​പ്പെ​ട്ട എ​ൻ​.സി.പി ശ​ര​ദ് പ​വാ​ര്‍ വി​ഭാ​ഗം നേ​താ​വ് പ്ര​ശാ​ന്ത് ജ​ഗ്താ​പാ​ണ് കോ​ട​തി​യെ സ​മീ​പി​ക്കാ​നു​ള്ള തീ​രു​മാ​നം പ്ര​ഖ്യാ​പി​ച്ച​ത്.

ഡ​ല്‍​ഹി നി​യ​മ​സ​ഭ തെ​ര​ഞ്ഞെ​ടു​പ്പ് അ​ടു​ത്തി​രി​ക്കെ ചി​ല മു​ൻ ക​രു​ത​ലു​ക​ൾ സ്വീ​ക​രി​ക്ക​ണ​മെ​ന്ന് ഇ​ൻഡ്യ സ​ഖ്യ നേ​താ​ക്ക​ൾ തീ​രു​മാ​നി​ച്ചി​രു​ന്നു. കഴിഞ്ഞ മാസം നടന്ന തെരഞ്ഞെടുപ്പിൽ 288 അംഗ സഭയിൽ ബി.ജെ.പി നേതൃത്വത്തിലുള്ള മഹായുതി സഖ്യം 235 സീറ്റുകൾ നേടിയപ്പോൾ പ്രതിപക്ഷമായ മഹാ വികാസ് അഘാഡി (എം.വി.എ) സഖ്യം 46 സീറ്റുകൾ നേടി. ഇതുൾപ്പെടെയുള്ള സംഭവങ്ങൾ ഇ.വി.എം മെഷീനെ പ്രതിക്കൂട്ടിൽ നിർത്തുകയാണ്. വിവിധ രാഷ്ട്രീയ നിരീക്ഷകരും നേരത്തെ തന്നെ ഇ.വി.എം മെഷീന്റെ പ്രവർത്തനത്തിൽ ഏറെ വിമർശനങ്ങൾ ഉന്നയിച്ചിരുന്നു.