ഇ​ന്ത്യ- കാ​ന​ഡ ബ​ന്ധം കൂ​ടു​ത​ൽ വ​ഷ​ളാ​കു​ന്നു

ന്യൂ​ഡ​ൽ​ഹി: കാ​ന​ഡ​യി​ൽ ഖാ​ലി​സ്താ​ൻ തീ​വ്ര​വാ​ദി നേ​താ​വ് ഹ​ർ​ദീ​പ് സി​ങ് നി​ജ്ജ​ാറി​ന്റെ കൊ​ല​പാ​ത​കം ഇ​ന്ത്യ​യു​ടെ അ​റി​വോ​ടെ​യാ​ണെ​ന്ന കാ​ന​ഡ പ്ര​ധാ​ന​മ​ന്ത്രി ജ​സ്റ്റി​ൻ ട്രൂ​ഡോ​യു​ടെ പ​രാ​മ​ർ​​ശ​ത്തെ​ച്ചൊ​ല്ലി ഇ​ന്ത്യ- കാ​ന​ഡ ബ​ന്ധം കൂ​ടു​ത​ൽ വ​ഷ​ളാ​കു​ന്നു. ക​നേ​ഡി​യ​ൻ പൗ​ര​ന്മാ​ർ​ക്ക് വി​സ ന​ൽ​കു​ന്ന​ത് താ​ൽ​ക്കാ​ലി​ക​മാ​യി നി​ർ​ത്തു​ക​യാ​ണെ​ന്ന് ഇ​ന്ത്യ വ്യാ​ഴാ​ഴ്ച അ​റി​യി​ച്ചു.

ഇ​ന്ത്യ​യു​ടെ ആ​ഭ്യ​ന്ത​ര കാ​ര്യ​ങ്ങ​ളി​ൽ കാ​ന​ഡ അ​നാ​വ​ശ്യ​മാ​യി ഇ​ട​പെ​ടു​ക​യാ​ണെ​ന്ന ആ​രോ​പ​ണം ഉ​ന്ന​യി​ച്ച വി​ദേ​ശ​കാ​ര്യ മ​ന്ത്രാ​ല​യം ക​നേ​ഡി​യ​ൻ ന​യ​ത​ന്ത്ര ഉ​ദ്യോ​ഗ​സ്ഥ​രു​ടെ എ​ണ്ണം വെ​ട്ടി​ക്കു​റ​ക്ക​ണ​മെ​ന്ന ആ​വ​ശ്യ​വും ഉ​ന്ന​യി​ച്ചു.

കാ​ന​ഡ​യി​ലെ ഇ​ന്ത്യ​ൻ ഹൈ​ക​മീ​ഷ​നും കോ​ൺ​സു​ലേ​റ്റു​ക​ളും സു​ര​ക്ഷ ഭീ​ഷ​ണി നേ​രി​ടു​ക​യാ​ണെ​ന്ന് ചൂ​ണ്ടി​ക്കാ​ട്ടി​യാ​ണ് കാ​ന​ഡ​യി​ൽ​നി​ന്നു​ള്ള വി​സ അ​പേ​ക്ഷ ന​ട​പ​ടി​ക്ര​മ​ങ്ങ​ൾ താ​ൽ​ക്കാ​ലി​ക​മാ​യി നി​ർ​ത്തി​വെ​ക്കാ​ൻ ആ​വ​ശ്യ​പ്പെ​ട്ട​തെ​ന്ന് വി​ദേ​ശ​കാ​ര്യ വ​ക്താ​വ് അ​രി​ന്ദം ബാ​ഗ്ചി പ​റ​ഞ്ഞു. മ​റ്റു രാ​ജ്യ​ങ്ങ​ളി​ലെ ക​നേ​ഡി​യ​ൻ പൗ​ര​ന്മാ​ർ​ക്കും വി​സ അ​നു​വ​ദി​ക്കി​ല്ല. എ​ന്നാ​ൽ, നി​ല​വി​ൽ വി​സ ല​ഭി​ച്ച​വ​ർ​ക്കും ഒ.​സി.​ഐ കാ​ർ​ഡ് ഉ​ള്ള​വ​ർ​ക്കും ഇ​ന്ത്യ​യി​ലേ​ക്ക് യാ​ത്ര ചെ​യ്യു​ന്ന​തി​ന് പ്ര​ശ്ന​മി​ല്ല. ആ​ക്ര​മ​ണ ഭീ​ഷ​ണി നി​ല​നി​ൽ​ക്കു​ന്ന​തി​നാ​ൽ കാ​ന​ഡ​യി​ലെ ഇ​ന്ത്യ​ൻ ന​യ​ത​ന്ത്ര കാ​ര്യാ​ല​യ​ങ്ങ​ൾ​ക്ക് പ്ര​വ​ർ​ത്തി​ക്കാ​നാ​കാ​ത്ത സാ​ഹ​ച​ര്യ​മാ​ണ്. അ​തി​നാ​ലാ​ണ് വി​സ ന​ട​പ​ടി​ക്ര​മ​ങ്ങ​ൾ നി​ർ​ത്താ​ൻ ആ​വ​ശ്യ​പ്പെ​ട്ട​ത്. സ്ഥി​തി​ഗ​തി​ക​ൾ സൂ​ക്ഷ്മ​മാ​യി നി​രീ​ക്ഷി​ച്ചു​വ​രു​ക​യാ​ണെ​ന്നും അ​രി​ന്ദം ബാ​ഗ്ചി വി​ശ​ദീ​ക​രി​ച്ചു. സ്വ​കാ​ര്യ ഏ​ജ​ൻ​സി​യാ​യ ബി.​എ​ൽ.​എ​സ് ഇ​ന്റ​ർ​നാ​ഷ​ന​ലും ക​നേ​ഡി​യ​ൻ വി​സ ന​ട​പ​ടി​ക്ര​മ​ങ്ങ​ൾ നി​ർ​ത്തു​ക​യാ​ണെ​ന്ന് വെ​ബ്സൈ​റ്റി​ലൂ​ടെ അ​റി​യി​ച്ചി​രു​ന്നു.

ഇ​ന്ത്യ​യി​ലെ ക​നേ​ഡി​യ​ൻ ന​യ​ത​ന്ത്ര ഉ​ദ്യോ​ഗ​സ്ഥ​രു​ടെ എ​ണ്ണം കാ​ന​ഡ​യി​ലെ ഇ​ന്ത്യ​ൻ ഉ​ദ്യോ​ഗ​സ്ഥ​രു​ടേ​തി​ന് ആ​നു​പാ​തി​ക​മ​ല്ലെ​ന്ന വാ​ദ​വും വി​ദേ​ശ​കാ​ര്യ മ​ന്ത്രാ​ല​യം ഉ​യ​ർ​ത്തി​യി​ട്ടു​ണ്ട്. ഇ​ന്ത്യ​യു​ടെ ആ​ഭ്യ​ന്ത​ര കാ​ര്യ​ങ്ങ​ളി​ൽ അ​നാ​വ​ശ്യ ഇ​ട​പെ​ട​ലു​ക​ളി​ലേ​ക്ക് ഇ​ത് ന​യി​ക്കു​ന്നു. എ​ണ്ണം വെ​ട്ടി​ക്കു​റ​ക്കു​ന്ന​ത് സം​ബ​ന്ധി​ച്ച് ച​ർ​ച്ച​ക​ൾ ന​ട​ക്കു​ക​യാ​ണെ​ന്നും ബാ​ഗ്ചി പ​റ​ഞ്ഞു.

കാ​ന​ഡ​യി​ൽ ജൂ​ണി​ൽ ന​ട​ന്ന ഹ​ർ​ദീ​പ് സി​ങ് നി​ജ്ജാ​റി​ന്റെ കൊ​ല​പാ​ത​ക​ത്തി​ൽ ഇ​ന്ത്യ​ക്ക് പ​ങ്കു​ണ്ടെ​ന്ന് ജ​സ്റ്റി​ൻ ട്രൂ​ഡോ തി​ങ്ക​ളാ​ഴ്ച​യാ​ണ് ആ​രോ​പ​ണം ഉ​ന്ന​യി​ച്ച​ത്. പ​രാ​മ​ർ​ശ​ത്തെ ശ​ക്ത​മാ​യി അ​പ​ല​പി​ച്ച ഇ​ന്ത്യ ആ​രോ​പ​ണം ത​ള്ളി​യി​രു​ന്നു. ഇ​രു​രാ​ജ്യ​ങ്ങ​ളും ന​യ​ത​ന്ത്ര പ്ര​തി​നി​ധി​ക​ളെ പ​ര​സ്പ​രം പു​റ​ത്താ​ക്കു​ക​യും ചെ​യ്തു. കാ​ന​ഡ​യി​ലെ ഇ​ന്ത്യ​ക്കാ​ർ​ക്ക് ജാ​ഗ്ര​ത മു​ന്ന​റി​യി​പ്പും ന​ൽ​കി​യി​രു​ന്നു.

സത്യം കണ്ടെത്താൻ ഇന്ത്യ സഹകരിക്കണം -ട്രൂഡോ

ന്യൂ​യോ​ർ​ക്: ഹ​ർ​ദീ​പ് സി​ങ് നി​ജ്ജാ​റി​ന്റെ കൊ​ല​പാ​ത​ക​ത്തി​ൽ ആ​രോ​പ​ണം ആ​വ​ർ​ത്തി​ച്ച് കാ​ന​ഡ പ്ര​ധാ​ന​മ​ന്ത്രി ജ​സ്റ്റി​ൻ ട്രൂ​ഡോ. വി​ശ്വ​സ​നീ​യ​മാ​യ വി​വ​ര​ങ്ങ​ൾ മു​ൻ​നി​ർ​ത്തി​യാ​ണ് ആ​രോ​പ​ണം ഉ​ന്ന​യി​ച്ച​തെ​ന്നും സ​ത്യം ക​ണ്ടെ​ത്താ​ൻ ഇ​ന്ത്യ കാ​ന​ഡ​യു​മാ​യി സ​ഹ​ക​രി​ക്ക​ണ​മെ​ന്നും വ്യാ​ഴാ​ഴ്ച രാ​ത്രി അ​ദ്ദേ​ഹം പ്ര​തി​ക​രി​ച്ചു. സു​താ​ര്യ​വും സ​ത്യ​സ​ന്ധ​വു​മാ​യ അ​ന്വേ​ഷ​ണ​ത്തി​ലൂ​ടെ നീ​തി പു​ല​രു​മെ​ന്നും അ​ദ്ദേ​ഹം പ​റ​ഞ്ഞു. അ​തേ​സ​മ​യം, ക്ര​മ​സ​മാ​ധാ​ന പ്ര​ശ്നം ഉ​ള്ള​തി​നാ​ൽ ഇ​ന്ത്യ​ക്കാ​ർ കാ​ന​ഡ​യി​ലേ​ക്ക് യാ​ത്ര​ചെ​യ്യു​മ്പോ​ൾ ജാ​ഗ്ര​ത പു​ല​ർ​ത്ത​ണ​മെ​ന്ന ഇ​ന്ത്യ​ൻ വി​ദേ​ശ​കാ​ര്യ മ​ന്ത്രാ​ല​യ​ത്തി​ന്റെ മു​ന്ന​റി​യി​പ്പ് ക​നേ​ഡി​യ​ൻ ഇ​മി​ഗ്രേ​ഷ​ൻ മ​ന്ത്രി ത​ള്ളി. കാ​ന​ഡ ലോ​ക​ത്തി​​ലെ ഏ​റ്റ​വും സു​ര​ക്ഷി​ത​മാ​യ രാ​ജ്യ​ങ്ങ​ളി​ലൊ​ന്നാ​ണെ​ന്നും ക്ര​മ​സ​മാ​ധാ​ന പ്ര​ശ്ന​ങ്ങ​ളൊ​ന്നും നി​ല​വി​​ലി​ല്ലെ​ന്നും മ​ന്ത്രി മാ​ർ​ക് മി​ല്ല​ർ പ​റ​ഞ്ഞു.