തീവ്രവാദത്തെ ഒറ്റക്ക്​ പ്രതിരോധിക്കാൻ ഇന്ത്യക്ക്​ കഴിയും -വെങ്കയ്യ നായിഡു

ന്യൂഡൽഹി: തീവ്രവാദത്തെ ഒറ്റക്ക്​ പ്രതിരോധിക്കാൻ ഇന്ത്യക്ക്​ കഴിയുമെന്ന്​ ഉപരാഷ്​ട്രപതി വെങ്കയ്യ നായിഡു. അ തിർത്തിക്കപ്പുറത്തെ ജെയ്​ശെ മുഹമ്മദ്​ ക്യാമ്പ്​ തകർത്തത്​ ഇതിനുള്ള ഉദാഹരണമാണെന്നും അദ്ദേഹം പറഞ്ഞു. കോസ്​റ ്റാറിക്കയിൽ ഇന്ത്യൻ സമൂഹത്തോട്​ സംസാരിക്കുകയായിരുന്നു വെങ്കയ്യ നായിഡു.

രാജ്യത്തി​​െൻറ വികസന അജണ്ടയിൽ നിന്ന്​ ശ്രദ്ധതിരിപ്പിക്കാൻ മറ്റൊരു പ്രതിസന്ധിയും കാരണമാകരുത്​​. ഇന്ത്യ സമാധാനത്തെയാണ്​ സ്​നേഹിക്കുന്നത്​. ആക്രമണങ്ങൾ ഉണ്ടായിട്ടും ഇന്ത്യ തിരിച്ചടിച്ചില്ല. ലോകം മുഴുവൻ ഒരു കുടുംബമാണെന്നാണ്​ രാജ്യത്തി​​െൻറ തത്വശാസ്​ത്രം. എന്നാൽ, നമ്മുടെ അയൽരാജ്യം തീവ്രവാദികൾക്ക്​ പണം നൽകി സഹായിക്കുകയാണെന്നും അദ്ദേഹം പറഞ്ഞു.

അന്താരാഷ്​​്ട്ര സമൂഹം നേരിടുന്ന വലിയൊരു പ്രതിസന്ധിയാണ്​ തീവ്രവാദം. തീവ്രവാദത്തിന്​ മതമില്ല. ഒരു മതവും ഭീകരാവാദത്തെ പ്രോൽസാഹിപ്പിക്കുന്നില്ലെന്നും അദ്ദേഹം പറഞ്ഞു. നിങ്ങൾക്ക്​ സുഹൃത്തുക്കളെ മാറ്റാൻ കഴിയും എന്നാൽ, അയൽക്കാ​െര മാറ്റാനാവില്ലെന്ന മുൻ പ്രധാനമന്ത്രി വാജ്​​പേയിയുടെ പ്രസ്​താവനയും വെങ്കയ്യ നായിഡു ഒാർമിച്ചു.