ചെങ്കോട്ടയിൽ ദേശീയപതാക ഉയർത്തി പ്രധാനമന്ത്രി; സ്വാ​ത​ന്ത്ര്യ ദി​നാ​ഘോ​ഷ​ങ്ങൾക്ക്​ തുടക്കം

ന്യൂ​ഡ​ൽ​ഹി: രാജ്യത്തിന്‍റെ 77ാം സ്വാ​ത​ന്ത്ര്യ ദി​നാ​ഘോ​ഷ​ത്തി​ന്​ ഔദ്യോഗിക തുടക്കം. ചൊ​വ്വാ​ഴ്ച രാ​വി​ലെ ചെ​ങ്കോ​ട്ട​യി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി ദേ​ശീ​യ പ​താ​ക ഉ​യ​ർ​ത്തി. തുടർന്ന് അദ്ദേഹം രാജ്യത്തെ അഭിസംബോധന ചെയ്ത് സംസാരിച്ചു. മണിപ്പൂരിൽ മാസങ്ങളായി തുടരുന്ന സംഘർഷത്തെക്കുറിച്ച് പ്രസംഗത്തിൽ അദ്ദേഹം പരാമർശിക്കുകയും ചെയ്തു.

രാജ്യം മണിപ്പൂരിന്റെ കൂടെ നിൽക്കുന്നെന്ന് മോദി പറഞ്ഞു. കഴിഞ്ഞ ഏതാനും ആഴ്ചകളായി വടക്കുകിഴക്കൻ സംസ്ഥാനങ്ങളിൽ, പ്രത്യേകിച്ച് മണിപ്പൂരിലുണ്ടായ അക്രമസംഭവങ്ങളിൽ നിരവധി ആളുകൾക്ക് ജീവൻ നഷ്ടപ്പെട്ടു. അമ്മമാരുടെയും പെൺമക്കളുടെയും അഭിമാനത്തിന് ക്ഷതമേറ്റു. എന്നാൽ കഴിഞ്ഞ കുറച്ച് ദിവസങ്ങളായി സമാധാനം തിരിച്ചുവരുന്നു. കഴിഞ്ഞ കുറച്ച് ദിവസങ്ങളായി പുനഃസ്ഥാപിക്കപ്പെട്ട സമാധാനം മണിപ്പൂരിലെ ജനങ്ങൾ കെട്ടിപ്പടുക്കണം. മണിപ്പൂരിൽ സമാധാനത്തിലൂടെ പരിഹാരത്തിനുള്ള വഴി കണ്ടെത്തുമെന്നും പ്രധാനമന്ത്രി വ്യക്തമാക്കി.

അഞ്ചു വർഷത്തിനകം ഇന്ത്യ ലോകത്തെ മൂന്നാമത്തെ സാമ്പത്തിക ശക്തിയാകും. അത് എന്‍റെ ഗ്യാരണ്ടിയാണ്. രാജ്യം നേരിടുന്ന മൂന്ന് പ്രധാന വെല്ലുവിളികൾ അഴിമതി, കുടുംബാധിപത്യം, പ്രീണനരാഷ്ട്രീയം എന്നിവയാണ്. മറ്റ് രാജ്യങ്ങൾക്ക് പ്രായമാകുകയാണെന്നും എന്നാൽ ഇന്ത്യ യുവത്വത്തിന്റെ കൊടുമുടിയിലാണെന്നും പ്രധാനമന്ത്രി പറഞ്ഞു. 30 വയസ്സിന് താഴെയുള്ള ഏറ്റവും കൂടുതൽ ആളുകളുള്ളത് ഇന്ത്യയിലാണ്. ജി20 ഉച്ചകോടിക്കായി ബാലിയിൽ പോയപ്പോൾ എല്ലാ വികസിത രാജ്യങ്ങളും ഇന്ത്യയുടെ ഡിജിറ്റൽ, സാങ്കേതിക വികസനത്തെക്കുറിച്ച് അറിയാൻ തൽപരരാണ്. ഇന്ത്യയുടെ വികസനം ഡൽഹിയിലും മുംബൈയിലും മാത്രമായി പരിമിതപ്പെടുത്തിയിട്ടില്ലെന്നും അത് എല്ലാ വലുതും ചെറുതുമായ നഗരങ്ങളിലും എത്തിയിട്ടുണ്ടെന്നും അവരോട് പറഞ്ഞെന്നും പ്രധാമന്ത്രി പറഞ്ഞു.

കോ​വി​ഡ്​ നി​യ​ന്ത്ര​ണ​ങ്ങ​ൾ​ക്ക്​ ശേ​ഷ​മു​ള്ള ഏ​റ്റ​വും വ​ലി​യ സ​ദ​സ്സാണ് ഈ ​വ​ർ​ഷം സ്വാ​ത​ന്ത്ര്യ ദി​നാ​ഘോ​ഷ ച​ട​ങ്ങു​ക​ൾ വീ​ക്ഷി​ക്കാ​ൻ ചെ​ങ്കോ​ട്ട​യി​ൽ എ​ത്തിയത്. 2021 മാ​ർ​ച്ചി​ൽ ആ​രം​ഭി​ച്ച ‘ആ​സാ​ദി കാ ​അ​മൃ​ത് മ​ഹോ​ത്സ​വ’​ത്തി​ന്‍റെ സ​മാ​പ​നം ഈ ​വ​ർ​ഷ​ത്തെ സ്വാ​ത​ന്ത്ര്യ​ദി​ന​ത്തി​ലാ​ണ്. വി​വി​ധ മേ​ഖ​ല​ക​ളി​ൽ​നി​ന്നു​ള്ള 1,800 പേ​രെയാണ് പ്ര​ത്യേ​ക അ​തി​ഥി​ക​ളാ​യി ച​ട​ങ്ങി​ലേ​ക്കു ക്ഷ​ണി​ച്ചത്.
സ്വാ​ത​ന്ത്ര്യ​ദി​നാ​ഘോ​ഷ​ങ്ങ​ൾ​ക്കി​ടെ മ​ണി​പ്പൂ​രി​ലെ കു​ക്കി, മെ​യ്തേ​യ് വി​ഭാ​ഗ​ത്തി​ലെ അം​ഗ​ങ്ങ​ളു​ടെ പ്ര​തി​ഷേ​ധ​മു​ണ്ടാ​യേ​ക്കാ​മെ​ന്ന കേ​ന്ദ്ര ഇ​ന്റ​ലി​ജ​ൻ​സ് റി​പ്പോ​ർ​ട്ടി​നെ​ത്തു​ട​ർ​ന്നു ഡ​ൽ​ഹി​യി​ൽ വ​ലി​യ സു​ര​ക്ഷ​യാ​ണ്​ ഒ​രു​ക്കി​യ​ത്.