ഇന്ത്യ-ചൈന ഏറ്റമുട്ടൽ ദൃശ്യങ്ങൾ പുറത്ത്​ VIDEO

ന്യൂഡൽഹി: ലഡാകിലെ പാങോങ്​ തടാകത്തിനു സമീപം അതിർത്തിയിൽ ഇന്ത്യൻ സൈനികരും ​ൈചനീസ്​ സൈന്യവും തമ്മിൽ നടന്ന ഏറ്റുമുട്ടലി​​െൻറ വിഡിയോ പുറത്ത്​. ആയുധങളില്ലാതെ പരസ്​പരം ​കല്ലെറിഞ്ഞും മറ്റും ആക്രമിക്കുന്നതിൻറ ദൃശ്യങ്ങളാണ്​ സാമൂഹിക മാധ്യമങ്ങളിൽ പ്രചരിക്കുന്നത്​. 

അതിർത്തി കടന്നെത്തിയ ചൈനീസ്​ സൈന്യത്തെ ഇന്ത്യൻ സൈന്യം ചെറുക്കുന്നതാണ്​ ദൃശ്യങ്ങൾ. അഞ്ചുഡസനോളം വരുന്ന ഇന്ത്യന്‍ സൈനികരാണ് അതിര്‍ത്തികടന്നെത്തിയ ചൈനീസ് സൈനികരെ ചെറുത്തു നിന്നത്. ഇന്തോ-ടിബറ്റന്‍ ബോര്‍ഡര്‍ പോലീസും കരസേനയിലെ സൈനികരുമാണ് ചൈനീസ് സൈന്യത്തെ ചെറുത്തു തോല്‍പ്പിച്ചത്. 

ലഡാക്കില്‍ വര്‍ഷങ്ങള്‍ക്ക് ശേഷമാണ് ഇരുസൈനികരും തമ്മില്‍ ഏറ്റുമുട്ടുന്ന സംഭവം ഉണ്ടാകുന്നത്. ദോക്ലാം വിഷയത്തില്‍ ഇരുരാജ്യങ്ങളും തമ്മിലുള്ള ബന്ധം വഷളായി നില്‍ക്കുന്ന സാഹചര്യത്തിലാണ് ലഡാക്കിലെ സംഘര്‍ഷം പുറത്തുവരുന്നത്. 

#FirstOnThePrint Video of Indian & Chinese soldiers clashing at Pangong lake in Ladakh on August 15. @manupubby pic.twitter.com/qzZvVYFfjX

— ThePrint (@ThePrintIndia) August 19, 2017