രാജ്യത്ത് 30,254 പേർക്ക് കൂടി കോവിഡ്; 391 മരണം

ന്യൂഡൽഹി: രാജ്യത്ത് 24 മണിക്കൂറിനിടെ 30,254 പേർക്ക് കൂടി കോവിഡ് സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം 98,57,029 ആയി. 391 പേരാണ് 24 മണിക്കൂറിനിടെ മരിച്ചത്.

ആകെ മരണം 1,43,019 ആയി. നിലവിൽ 3,56,546 പേരാണ് ചികിത്സയിൽ തുടരുന്നത്. 33,136 പേർ ഇന്നലെ രോഗമുക്തി നേടി. ആകെ രോഗമുക്തരുടെ എണ്ണം 93,57,464 ആയി.

മഹാരാഷ്ട്രയിലാണ് രാജ്യത്ത് കൂടുതൽ കോവിഡ് ബാധിതരുള്ളത് -74,638. പിന്നാലെ 60,177 രോഗികളുമായി കേരളം രണ്ടാമതുണ്ട്.

ഇന്നലെ മാത്രം 10,14,434 ടെസ്റ്റുകൾ നടത്തിയതായി ഐ.സി.എം.ആർ അറിയിച്ചു. ആകെ ടെസ്റ്റുകളുടെ എണ്ണം 15,37,11,833 ആണ്.