ഇന്ത്യ​ക്ക്​​ യു.എൻ മനുഷ്യാവകാശ കൗൺസിൽ അംഗത്വം

യുനൈറ്റഡ്​ നേഷൻസ്​: ​െഎക്യരാഷ്​ട്രസഭയുടെ മനുഷ്യാവകാശ കൗൺസിലിലേക്ക്​ ഇന്ത്യ തെരഞ്ഞെടുക്കപ്പെട്ടു. 2019 ജനുവരി ഒന്നു മുതൽ മൂന്നു വർഷത്തേക്കാണ്​ അംഗത്വം. ഏഷ്യ- പസഫിക്​ കാറ്റഗറിയിൽ 188 വോട്ടുകൾ നേടിയാണ്​ ഇന്ത്യ അംഗത്വം നേടിയത്​. ഇൗ മേഖലയിൽ നിന്ന്​ ഏറ്റവും വോട്ടുകൾ ലഭിച്ചത്​ ഇന്ത്യക്കാണ്​. ഇന്ത്യയെ കൂടാതെ ​െബഹ്​റിൻ, ബംഗ്ലാദേശ്​, ഫിജി, ഫലിപ്പീൻസ്​ എന്നീ രാജ്യങ്ങളാണ്​ ഏഷ്യ-പസഫിക്​ കാറ്റഗറിയിലേക്ക്​ മത്​സരിച്ചത്​.

193 അംഗങ്ങളുള്ള യു.എൻ പൊതു സഭയിലാണ്​ മനുഷ്യാവകാശ കൗൺസിലിലേക്കുള്ള തെരഞ്ഞെടുപ്പ്​ നടന്നത്​. 18 പുതിയ അംഗങ്ങളെയാണ്​ മനുഷ്യാവകാശ കൗൺസിലിലേക്ക്​ രഹസ്യ ബാലറ്റ്​ വഴി തെരഞ്ഞെടുത്തത്​. 97 വോട്ടുകളാണ്​ വിജയിക്കാൻ ആവശ്യം.

അന്താരാഷ്​ട്ര സമൂഹത്തിൽ ഇന്ത്യൻ നിലപാടിനെയാണ്​ വിജയം പ്രതിഫലിപ്പിക്കുന്നതെന്ന്​ ഇന്ത്യയുടെ യു.എൻ സ്​ഥിരം പ്രതിനിധി സയിദ്​​ അക്​ബറുദ്ദീൻ പറഞ്ഞു. ഏറ്റവും കൂടുതൽ വോട്ടു നേടി വിജയിക്കാൻ ഇന്ത്യയെ പിന്തുണച്ചതിന്​ യു.എന്നിലെ എല്ലാ സുഹൃത്തുക്കൾക്കും അദ്ദേഹം ട്വിറ്ററിലൂടെ നന്ദി പറഞ്ഞു.

മനുഷ്യാവകാശ കൗൺസിലിൽ 47 സീറ്റുകളാണുള്ളത്​. ഭൂപ്രകൃതി അനുസരിച്ച്​ ഇൗ സീറ്റുകളെ അഞ്ചു മേഖലകൾക്ക്​ പങ്കിട്ട്​ നൽകിയിട്ടുണ്ട്​. 13 സീറ്റുകൾ ആഫ്രിക്കൻ രാജ്യങ്ങൾക്ക്​​. ഏഷ്യ- പസഫിക്​ മേഖലക്കും 13 സീറ്റുകൾ. കിഴക്കൻ യൂറോപ്പിന്​ ആറും പടിഞ്ഞാറൻ യൂ​േറാപ്പിന്​ ഏഴും സീറ്റുകൾ. ലാറ്റിനമേരിക്കൻ- കരീബിയൻ മേഖലക്ക്​ എട്ടു സീറ്റുകൾ എന്നിങ്ങ​െനയാണ്​ സീറ്റ്​ വിഭജനം.