നിരോധനം നീക്കിയതോടെ 45,000 ടൺ ഉള്ളി ക​യ​റ്റു​മ​തി ചെയ്തു; കർഷകർക്ക് ആശ്വാസം

ന്യൂ​ഡ​ൽ​ഹി: ക​യ​റ്റു​മ​തി നി​രോ​ധ​നം നീ​ക്കി​യ​തോ​ടെ രാ​ജ്യ​ത്തു​നി​ന്ന് ക​യ​റ്റി അ​യ​ച്ച​ത് 45,000 ട​ണ്ണി​ല​ധി​കം സ​വാ​ള. തെ​ര​ഞ്ഞെ​ടു​പ്പു​കാ​ല​ത്ത് സ​വാ​ള​യു​ടെ ആ​ഭ്യ​ന്ത​ര ല​ഭ്യ​ത ഉ​റ​പ്പു​വ​രു​ത്തു​ന്ന​തി​ന്റെ ഭാ​ഗ​മാ​യാ​ണ് ക​യ​റ്റു​മ​തി​ക്ക് നി​രോ​ധ​നം ഏ​ർ​പ്പെ​ടു​ത്തി​യ​ത്. നി​രോ​ധ​നം പി​ൻ​വ​ലി​ച്ച​ത് ക​ർ​ഷ​ക​ർ​ക്ക് ആ​ശ്വാ​സ​മാ​യി.

പ​ശ്ചി​മേ​ഷ്യ​യി​ലേ​ക്കും ബം​ഗ്ലാ​ദേ​ശി​ലേ​ക്കു​മാ​ണ് കൂ​ടു​ത​ലും ക​യ​റ്റു​മ​തി ന​ട​ന്ന​തെ​ന്ന് ഉ​പ​ഭോ​ക്തൃ​കാ​ര്യ മ​ന്ത്രാ​ല​യം സെ​ക്ര​ട്ട​റി നി​ധി ഖാ​രെ പ​റ​ഞ്ഞു. മേ​യ് നാ​ലി​ന് സ​ർ​ക്കാ​ർ നി​രോ​ധ​നം നീ​ക്കി​യെ​ങ്കി​ലും ട​ണി​ന് 550 ഡോ​ള​ർ (45,800 രൂ​പ) എ​ന്ന മി​നി​മം ക​യ​റ്റു​മ​തി വി​ല (എം.​ഇ.​പി) ചു​മ​ത്തി​യി​രു​ന്നു.

തെ​ര​ഞ്ഞെ​ടു​പ്പ് കാ​ല​ത്ത് ഉ​ള്ളി​വി​ല താ​ങ്ങാ​വു​ന്ന ത​ര​ത്തി​ൽ നി​ല​നി​ർ​ത്താ​നാ​യി​രു​ന്നു ഇ​ത്. ഈ ​വ​ർ​ഷ​ത്തേ​ക്കു​ള്ള 5,00,000 ട​ൺ ക​രു​ത​ൽ സ്റ്റോ​ക്കി​നാ​യി സ​ർ​ക്കാ​ർ ഏ​ജ​ൻ​സി​ക​ൾ ഉ​ള്ളി സം​ഭ​രി​ക്കാ​ൻ തു​ട​ങ്ങി​യി​ട്ടു​ണ്ടെ​ന്നും അ​വ​ർ പ​റ​ഞ്ഞു.