നാല്​ പ്രതിരോധ മന്ത്രിമാരുണ്ടായിരുന്നിട്ടും മോദിക്ക്​ മാത്രമേ റഫാൽ കരാറിനെ കുറിച്ച്​ അറിയൂ - രാഹുൽ 

ന്യൂഡൽഹി: മോദി സർക്കാർ അധികാരത്തിലേറിയ ശേഷം നമുക്ക്​ നാല്​ പ്രതിരോധ മന്ത്രിമാരുണ്ടായെന്നും അത്​ ഫ്രാൻസുമായുള്ള റഫാൽ കരാർ പുനഃക്രമീകരിക്കാൻ പ്രധാനമന്ത്രി നരേന്ദ്രമോദിക്ക്​ അവസരം നൽകിയെന്നും കോൺഗ്രസ്​ അധ്യക്ഷൻ  രാഹുൽ ഗാന്ധി ആരോപിച്ചു. 

2014 മുതൽ നമുക്ക്​ നാല്​ രക്ഷാ മന്ത്രിമാർ മാറി വന്നു. അത്​ എന്തുകൊണ്ടാണെന്ന്​ ഇ​േപ്പാൾ ഞങ്ങൾക്കറിയാം​.​ ഫ്രാൻസുമായി റഫാൽ കരാർ പുനഃക്രമീകരിക്കാൻ പ്രധാനമന്ത്രിക്ക്​ അവസരം നൽകി. -രാഹുൽ ട്വീറ്റ്​ ചെയ്​തു. 

ഇന്ത്യക്ക്​ നാല്​ ‘റഫാൽ’ മന്ത്രിമാരുണ്ടായിരുന്നു​. എന്നാൽ ​ഫ്രാൻസിൽ യാഥാർഥത്തിൽ നടന്നതെന്താണെന്ന്​ പ്രധാനമന്ത്രിക്കല്ലാതെ ഇവർക്കാർക്കും അറിയില്ല. എന്നാൽ പ്രധാനമന്ത്രി അത്​ പറയുകയുമില്ല -രാഹുൽ പറഞ്ഞു. റഫാൽ വിഷയത്തിൽ അമൂൽ ഇറക്കിയ പരസ്യം ടാഗ്​ ചെയ്​തുകൊണ്ടാണ്​ രാഹുലി​​​​െൻറ ട്വീറ്റ്​. ആദ്യ തവണ അരുൺ ജെയ്​റ്റ്​ലിയും പിന്നെ മനോഹർ പരീകറും വീണ്ടും ജെയ്​റ്റ്​ലിയും ഒടുവിൽ നിർമല സീതാരാമനുമാണ്​ ഇന്ത്യയുടെ പ്രതിരോധ മന്ത്രിമാരായത്​. 

റഫാൽ വിഷയത്തിൽ ബി.ജെ.പിയും കോൺഗ്രസും തമ്മിൽ നടത്തുന്ന വാഗ്വാദത്തി​​​​െൻറ പശ്​ചാത്തലത്തിലാണ്​ രാഹുലി​​​​െൻറ ട്വീറ്റ്​. പ്രധാനമന്ത്രി മോദിയും പ്രതിരോധ മന്ത്രി നിർമല സീതാരാമനും റഫാൽ കരാറിൽ നുണ പറയുകയാണെന്ന്​ രാഹുൽ പാർല​െമൻറിൽ ആരോപിച്ചിരുന്നു. എന്നാൽ രാഹുലി​​​​െൻറ ആരോപണം ബി.ജെ.പി തള്ളി. 

Since 2014, India has had 4 revolving Raksha Mantris.

Now we know why. It gave the PM space to personally re-negotiate RAFALE with the French.

India has had 4 “RAFALE Mantris”. But, none of them know what really transpired in France. Except the PM.

But he won’t speak! pic.twitter.com/exNkm9mn8T

— Rahul Gandhi (@RahulGandhi) July 24, 2018