ഇന്ത്യ-താലിബാൻ ചർച്ച; അഫ്​ഗാനിസ്​താന്‍റെ മണ്ണ് ഇന്ത്യക്കെതിരായ​ ഭീകരപ്രവർത്തനങ്ങൾക്ക്​ ഉപയോഗിക്കരുതെന്ന്​ വിദേശകാര്യ മന്ത്രാലയം

ന്യൂഡൽഹി: അഫ്​ഗാനിസ്​താ​െൻറ മണ്ണ്​ ഇന്ത്യക്കെതിരായ ഭീകര പ്രവർത്തനങ്ങൾക്ക്​ ഉപയോഗിക്കുന്നില്ലെന്ന്​ ഉറപ്പു വരുത്തുന്നതിനാണ്​ അടിയന്തര ശ്രദ്ധ നൽകുന്നതെന്ന്​ ഇന്ത്യ. ഇന്ത്യവിരുദ്ധ പ്രവർത്തനങ്ങൾക്ക്​ അഫ്​ഗാ​െൻറ മണ്ണ്​ ഉപയോഗിക്കാനുള്ള സാധ്യതയെക്കുറിച്ച ഉത്​കണ്​ഠ അറിയിക്കാനാണ്​ ദോഹയിൽ താലിബാൻ നേതാവുമായി നടത്തിയ ചർച്ചയെ ഇന്ത്യ ഉപയോഗപ്പെടുത്തിയതെന്ന്​ വിദേശകാര്യ മന്ത്രാലയം വിശദീകരിച്ചു.

ഇന്ത്യൻ അംബാസഡർ ദീപക്​ മിത്തലും താലിബാൻ നേതാവ്​ ഷേർ മുഹമ്മദ്​ അബ്ബാസ്​​ സ്​റ്റാനെക്​സായിയും തമ്മിലാണ്​ ദോഹയിൽ ചൊവ്വാഴ്​ച ചർച്ച നടത്തിയത്​. ഭീകരതയെക്കുറിച്ച ഉത്​കണ്​ഠകൾക്കൊപ്പം, അഫ്​ഗാനിൽ ബാക്കിയുള്ള ഇന്ത്യക്കാരെ തിരിച്ചു കൊണ്ടുവരുന്ന കാര്യവും ചർച്ചയായെന്ന്​ മന്ത്രാലയ വക്താവ്​ അരിന്ദം ബഗ്​ചി പറഞ്ഞു. അനുകൂല പ്രതികരണമാണ്​ ഇന്ത്യക്കു​ കിട്ടിയതെന്നും അദ്ദേഹം കൂട്ടിച്ചേർത്തു.

ചർച്ചയുടെ പശ്ചാത്തലത്തിൽ താലിബാൻ ഭരണകൂടത്തെ ഇന്ത്യ അംഗീകരി​ക്കുമോ എന്ന ചോദ്യത്തിന്​, ദോഹയിൽ നടന്നത്​ ചർച്ച മാത്രമായിരുന്നുവെന്ന്​ വക്താവ്​ മറുപടി നൽകി. നാം കടന്നു പോകുന്നത്​ പ്രാരംഭ ദിനങ്ങളിലൂടെയാണ്​. അതുകൊണ്ടു തന്നെ താലിബാനോടുള്ള സമീപനത്തെക്കുറിച്ച്​ പ്രതികരിക്കാൻ സമയമായിട്ടില്ല. കൂടുതൽ ചർച്ചകൾ താലിബാനുമായി ഉണ്ടാവുമോയെന്ന ചോദ്യത്തിന്​, ഭാവികാര്യങ്ങളെക്കുറിച്ച്​ ഊഹാപോഹങ്ങൾക്കില്ലെന്നായിരുന്നു അദ്ദേഹത്തി​െൻറ മറുപടി. ദോഹയിൽ താലിബാൻ താൽപര്യപ്പെട്ട പ്രകാരമാണ്​ ചർച്ച​ നടന്നത്​. അവർ ഓരോ വിവിധ രാജ്യങ്ങളുമായി ബന്ധപ്പെടുന്നുണ്ടെന്നാണ്​ മനസ്സിലാക്കുന്നത്​.

താലിബാനെ ഭീകരസംഘടനയായി കാണുന്നു​ണ്ടോ, താലിബാനെ ഇന്ത്യ അംഗീകരിക്കുന്നുണ്ടോ, താലിബാനോടുള്ള ഇന്ത്യയുടെ സമീപനരേഖ എന്താണ്​ തുടങ്ങിയ ചോദ്യങ്ങൾ വാർത്തസ​േമ്മളനത്തിൽ ഉയർന്നു. താലിബാൻ ഭീകരസംഘടനയാണോ തുടങ്ങിയവയല്ല വിഷയമെന്നും, അഫ്​ഗാ​െൻറ മണ്ണ്​ ഇന്ത്യക്കെതിരായ ഭീകരപ്രവർത്തനത്തിന്​ ഉപയോഗിക്കപ്പെടുന്നില്ലെന്ന്​ ഉറപ്പു വരുത്തുകയാണ്​ ഇന്ത്യക്ക്​ പ്രധാനമെന്നും വക്താവ്​ വിശദീകരിച്ചു.

കാബൂൾ വിമാനത്താവളത്തി​െൻറ പ്രവർത്തനം പുനരാരംഭിക്കുന്ന മുറക്ക്​ ബാക്കിയുള്ള ഇന്ത്യക്കാരുടെ മടക്കത്തെക്കുറിച്ച ക്രമീകരണങ്ങൾ ആലോചിക്കാനാവുമെന്നും അരിന്ദം ബഗ്​ചി പറഞ്ഞു.