റിപ്പബ്ലിക്​ ദിനത്തിന്​ ​ട്രംപിനെ മുഖ്യാതിഥിയായി ക്ഷണിച്ച്​ ഇന്ത്യ

വാഷിങ്​ടൺ ഡി.സി: അടുത്ത വർഷത്തെ ഇന്ത്യയുടെ റിപ്പബ്ലക്​ ദിന ആഘോഷത്തിൽ വിശിഷ്​ടാതിഥിയായി യു.എസ്​ പ്രസിഡൻറ്​ ഡൊണാൾഡ്​ ട്രംപിന്​ ക്ഷണം. എന്നാൽ ക്ഷണം സ്വീകരിക്ക​ണമോ എന്ന കാര്യത്തിൽ ഇതുവരെ തീരുമാനമെടുത്തിട്ടില്ലെന്ന്​ അ​േമരിക്കൻ പ്രസ്​ സെക്രട്ടറി സാറ സാൻഡേഴ്​സ്​ പറഞ്ഞു. 

വാർത്താസമ്മേളനത്തിനി​െടയാണ്​ സാറ ഇന്ത്യയുടെ ക്ഷണം സ്​ഥിരീകരിച്ചത്​. യു.എസ്​ ​സ്​റ്റേറ്റ്​ െസക്രട്ടറി മൈക്ക്​ പോംപെ, പ്രതിരോധ സെക്രട്ടറി ജെയിംസ്​ എൻ. മാറ്റിസ്​ എന്നിവർ അടുത്ത മാസം ഇന്ത്യ സന്ദർശിക്കുമെന്നും അവർ അറിയിച്ചു. ഇൗ വർഷം അവസാനം നടക്കുന്ന ട്രംപി​​​െൻറ ഇന്ത്യാ സന്ദർശനവുമായി ബന്ധ​െപ്പട്ട ചർച്ചകൾക്ക്​ തുടക്കം കുറിക്കുന്നതിനായാണ്​ യു.എസ്​ സെക്രട്ടറിമാർ അടുത്ത മാസം ഇന്ത്യയിലെത്തുന്നത്​. 

രാജ്യത്തി​​​െൻറ സൈനിക ശക്​തിയും സംസ്​കാര ​ൈവവിധ്യവും തെളിയിക്കുന്നതാണ്​ റിപ്പബ്ലിക്​ ദിന പരേഡ്​. എല്ലാ വർഷവും റിപ്പബ്ലിക്​ ദിന ആഘോഷത്തിന്​ വിശിഷ്​ടാതിഥിയായി ഒരു രാജ്യത്തി​​​െൻറ തലവനെ ഇന്ത്യ ക്ഷണിക്കാറുണ്ട്​.  2015ൽ 65ാം റിപ്പബ്ലിക്​ ദിന പരേഡിൽ മുൻ യു.എസ്​ പ്രസിഡൻറ്​ ബറാക്​ ഒബാമയായിരുന്നു വിശിഷ്​ടാതിഥി.  കഴിഞ്ഞ വർഷം തായ്​ലാൻറ്​, വിയറ്റ്​നാം, ഇന്തോനേഷ്യ, മലേഷ്യ, ഫിലിപ്പൈൻസ്​, സി​ംഗപൂർ, മ്യാൻമർ, കംബോഡിയ, ലാവോസ്​, ബ്രൂണെ എന്നീ 10 ആസിയാൻ രാജ്യങ്ങളിലെ തലവൻമാരായിരുന്നു റിപ്പബ്ലിക്​ ദിന പരേഡിൽ അതിഥികളായി എത്തിയിരുന്നത്​.