ഉപതെരഞ്ഞെടുപ്പിൽ തിളങ്ങി ഇൻഡ്യ ക​ക്ഷി​ക​ൾ

ന്യൂ​ഡ​ൽ​ഹി: പൊ​തു​തെ​ര​ഞ്ഞെ​ടു​പ്പി​ന് പി​ന്നാ​ലെ ഏഴ് സം​സ്ഥാ​ന​ങ്ങ​ളി​ൽ നി​യ​മ​സ​ഭ സീ​റ്റു​ക​ളി​ലേ​ക്ക് ന​ട​ന്ന ഉ​പ​തെ​ര​ഞ്ഞെ​ടു​പ്പി​ൽ ഇ​ൻ​ഡ്യ ക​ക്ഷി​ക​ൾ​ക്ക് തി​ള​ക്ക​മാ​ർ​ന്ന ജ​യം. 13 സീ​റ്റു​ക​ളി​ലേ​ക്കാ​യി​രു​ന്നു മ​ത്സ​രം. ഇ​ൻ​ഡ്യ ക​ക്ഷി​ക​ൾ 10 സീ​റ്റ് നേ​ടി. ശേ​ഷി​ക്കു​ന്ന മൂ​ന്ന് സീ​റ്റു​ക​ളി​ൽ ര​ണ്ടെ​ണ്ണ​ത്തി​ൽ ബി.​ജെ.​പി​യും ഒ​ന്നി​ൽ സ്വ​ത​ന്ത്ര​നും ജ​യി​ച്ചു. പ​ശ്ചി​മ ബം​ഗാ​ളി​ലെ നാ​ലു മ​ണ്ഡ​ല​ങ്ങ​ളി​ലും ഹി​മാ​ച​ലി​ലെ മൂ​ന്നി​ട​ത്തും ഉ​ത്ത​രാ​ഖ​ണ്ഡി​ലെ ര​ണ്ടി​ട​ത്തും പ​ഞ്ചാ​ബ്, മ​ധ്യ​പ്ര​ദേ​ശ്, ബി​ഹാ​ർ, ത​മി​ഴ്നാ​ട് സം​സ്ഥാ​ന​ങ്ങ​ളി​ൽ ഓ​രോ​യി​ട​ങ്ങ​ളി​ലു​മാ​യി​രു​ന്നു തെ​ര​ഞ്ഞെ​ടു​പ്പ്.

പ​ഞ്ചാ​ബി​ൽ ഭ​ര​ണ​ക​ക്ഷി​യാ​യ ആം ​ആ​ദ്മി പാ​ർ​ട്ടി​യി​ലെ മൊ​ഹീ​ന്ദ​ർ ഭ​ഗ​ത് ജ​ല​ന്ദ​ർ വെ​സ്റ്റി​ൽ ജ​യി​ച്ചു. ബി.​ജെ.​പി സ്ഥാ​നാ​ർ​ഥി ശീ​ത​ൾ അ​ങ്കു​രാ​ളി​നെ​യാ​ണ് 37,325 വോ​ട്ടി​ന് പ​രാ​ജ​യ​പ്പെ​ടു​ത്തി​യ​ത്. മാ​ർ​ച്ചി​ൽ അ​ങ്കു​രാ​ൾ ‘ആ​പ്’ വി​ട്ട് ബി.​ജെ.​പി​യി​ൽ ചേ​ർ​ന്ന​തോ​ടെ​യാ​ണ് ഇ​വി​ടെ ഉ​പ​തെ​ര​ഞ്ഞെ​ടു​പ്പി​ന് ക​ള​മൊ​രു​ങ്ങി​യ​ത്. വി​ജ​യം ‘ആ​പ്’ സ​ർ​ക്കാ​റി​നു​ള്ള അം​ഗീ​കാ​ര​മാ​ണെ​ന്ന് മു​ഖ്യ​മ​ന്ത്രി ഭ​ഗ​വ​ന്ത് മ​ൻ പ​റ​ഞ്ഞു.

ത​മി​ഴ്നാ​ട് വി​ക്കി​ര​വാ​ണ്ടി മ​ണ്ഡ​ലം ഡി.​എം.​കെ നി​ല​നി​ർ​ത്തി. ഇ​വി​ടെ അ​ണ്ണി​യൂ​ർ ശി​വ 67,757 വോ​ട്ടു​ക​ളു​ടെ ഭൂ​രി​പ​ക്ഷ​ത്തി​ലാ​ണ് ജ​യി​ച്ച​ത്. ഡി.​എം.​കെ സ​ഖ്യം 1,24,053 വോ​ട്ടു​ക​ൾ നേ​ടി​യ​പ്പോ​ൾ എ​ൻ.​ഡി.​എ 56,296 വോ​ട്ടു​ക​ൾ നേ​ടി. ‘നാം ​ത​മി​ഴ​ർ’ ക​ക്ഷി​യു​ടെ ഡോ. ​അ​ഭി​ന​യ 10,602 വോ​ട്ടു​ക​ൾ നേ​ടി മൂ​ന്നാം സ്ഥാ​ന​ത്തെ​ത്തി​യെ​ങ്കി​ലും കെ​ട്ടി​വെ​ച്ച പ​ണം പോ​യി. ഭ​ര​ണ​ക​ക്ഷി​യാ​യ ഡി.​എം.​കെ അ​രാ​ജ​ക​ത്വ​മു​ണ്ടാ​ക്കു​ന്നു​വെ​ന്ന് ആ​രോ​പി​ച്ച് അ​ണ്ണാ ഡി.​എം.​കെ തെ​ര​ഞ്ഞെ​ടു​പ്പ് ബ​ഹി​ഷ്ക​രി​ച്ചി​രു​ന്നു. എ​ൻ.​ഡി.​എ സ​ഖ്യ​ത്തി​ലെ പാ​ട്ടാ​ളി മ​ക്ക​ൾ ക​ക്ഷി (പി.​എം.​കെ) ഉ​പാ​ധ്യ​ക്ഷ​ൻ സി. ​അ​ൻ​പു​മ​ണി​യാ​ണ് മ​ത്സ​രി​ച്ച​ത്. ഡി.​എം.​കെ എം.​എ​ൽ.​എ പു​ക​ഴേ​ന്തി മ​രി​ച്ച​തി​നെ തു​ട​ർ​ന്നാ​ണ് ഉ​പ​തെ​ര​ഞ്ഞെ​ടു​പ്പ് ന​ട​ന്ന​ത്.

പ​ശ്ചി​മ ബം​ഗാ​ളി​ൽ നാ​ലി​ട​ത്തും തൃ​ണ​മൂ​ൽ കോ​ൺ​ഗ്ര​സ് ജ​യി​ച്ചു. റാ​യ്ഗ​ഞ്ച് മ​ണ്ഡ​ല​ത്തി​ൽ കൃ​ഷ്ണ ക​ല്യാ​ണി ബി.​ജെ.​പി​യി​ലെ മാ​ന​സ് കു​മാ​ർ ഘോ​ഷി​നെ 50,077 വോ​ട്ടി​നും റാ​ണാ​ഘ​ട്ട് ദ​ക്ഷി​ണി​ൽ മു​കു​ത് നാ​മി അ​ധി​കാ​രി ബി.​ജെ.​പി​യു​ടെ മ​നോ​ജ് കു​മാ​ർ ബി​ശ്വാ​സി​നെ 74,485 വോ​ട്ടി​നും പ​രാ​ജ​യ​പ്പെ​ടു​ത്തി. ബ​ഗ്ഡ​യി​ൽ മ​ധു​പ​ർ​ണ ഠാ​കു​ർ ബി.​ജെ.​പി​യു​​ടെ ബി​ന​യ് കു​മാ​ർ ബി​ശ്വാ​സി​നെ 74,251 വോ​ട്ടു​ക​ൾ​ക്ക് ത​റ​പ​റ്റി​ച്ചു. മ​ണി​ക്ത​ല മ​ണ്ഡ​ല​ത്തി​ൽ സു​പ്തി പാ​ണ്ഡെ ബി.​ജെ.​പി​യു​ടെ ക​ല്യാ​ൺ ചൗ​ബി​യെ 62,312 വോ​ട്ടി​നാ​ണ് തോ​ൽ​പി​ച്ച​ത്.

ഹി​മാ​ച​ൽ പ്ര​ദേ​ശി​ലെ ദേ​ഹ്റ മ​ണ്ഡ​ല​ത്തി​ൽ ന​ട​ന്ന വാ​ശി​യേ​റി​യ പോ​രാ​ട്ട​ത്തി​ൽ മു​ഖ്യ​മ​ന്ത്രി സു​ഖ്‍വീ​ന്ദ​ർ സി​ങ് സു​ഖു​വി​ന്റെ ഭാ​ര്യ കോ​ൺ​ഗ്ര​സി​ലെ ക​മ​ലേ​ശ് ഠാ​കു​ർ ബി.​ജെ.​പി​യു​ടെ ഹോ​ഷി​യാ​ർ സി​ങ്ങി​നെ 9,399 വോ​ട്ടു​ക​ൾ​ക്ക് പ​രാ​ജ​യ​പ്പെ​ടു​ത്തി. ന​ല​ഗ​ഡി​ൽ കോ​ൺ​ഗ്ര​സി​ലെ ഹ​ർ​ദീ​പ് സി​ങ് ബാ​വ ബി.​ജെ.​പി​യു​ടെ കെ.​എ​ൽ. ഠാ​കു​റി​നെ 25,618 വോ​ട്ടി​ന് തോ​ൽ​പി​ച്ചു. ഹാ​മി​ർ​പു​രി​ൽ ബി.​ജെ.​പി​യു​ടെ ആ​ശി​ഷ് ശ​ർ​മ കോ​ൺ​ഗ്ര​സി​ലെ പു​ഷ്പി​ന്ദ​ർ വ​ർ​മ​യെ പ​രാ​ജ​യ​പ്പെ​ടു​ത്തി. ആ​ശി​ഷ് 27,041 വോ​ട്ടും പു​ഷ്പി​ന്ദ​ർ 25,470 വോ​ട്ടും നേ​ടി.

ഉ​ത്ത​രാ​ഖ​ണ്ഡി​ലെ ബ​ദ്‍രീ​നാ​ഥി​ൽ കോ​ൺ​ഗ്ര​സി​ലെ ല​ഖാ​പ​ത് സി​ങ് ബു​ടോ​ല​യും മം​ഗ്ലൗ​റി​ൽ ഖാ​ദി മു​ഹ​മ്മ​ദ് നി​സാ​മു​ദ്ദീ​നും ജ​യി​ച്ചു. ബു​ടോ​ല മു​ൻ മ​ന്ത്രി​യും എം.​എ​ൽ.​എ​യു​മാ​യ ​രാ​ജേ​ന്ദ്ര സി​ങ് ഭ​ണ്ഡാ​രി​യെ 5224 വോ​ട്ടു​ക​ൾ​ക്കാ​ണ് പ​രാ​ജ​യ​പ്പെ​ടു​ത്തി​യ​ത്. നി​സാ​മു​ദ്ദീ​ൻ ബി.​ജെ.​പി​യി​ലെ ക​ർ​ത​ർ സി​ങ് ഭാ​ദ​ന​യെ 422 വോ​ട്ടി​ന് തോ​ൽ​പി​ച്ചു.

മ​ധ്യ​പ്ര​ദേ​ശി​ൽ ബി.​ജെ.​പി​യു​ടെ കം​ശ്ലേ​ഷ് പ്ര​താ​പ് ഷാ ​കോ​ൺ​ഗ്ര​സി​ലെ ധീ​ര​ൻ സാ​ഹ് ഇ​ൻ​വ​തി​യെ 3027 വോ​ട്ടി​ന് തോ​ൽ​പി​ച്ച് അ​മ​ർ​വാ​ര മ​ണ്ഡ​ല​ത്തി​ൽ​നി​ന്ന് ജ​യി​ച്ചു. ബി​ഹാ​റി​ൽ ജെ.​ഡി-​യു​വി​ലെ ക​ലാ​ധ​ർ പ്ര​സാ​ദ് മ​ണ്ഡ​ലി​നെ 8000ത്തി​ല​ധി​കം വോ​ട്ടി​ന് പ​രാ​ജ​യ​പ്പെ​ടു​ത്തി​യാ​ണ് സ്വ​ത​ന്ത്ര​നാ​യ ശ​ങ്ക​ർ സി​ങ് ജ​യി​ച്ച​ത്.