അതിർത്തിക്കപ്പുറത്തുനിന്നുള്ള ഭീകരവാദമാണ്​ രാജ്യത്തി​െൻറ വലിയ ഭീഷണി -ഇന്ത്യ

ന്യൂഡൽഹി: മേഖലയിലെ രാജ്യങ്ങൾ ​േനരിടുന്ന ഏറ്റവും പ്രധാന ​െവല്ലുവിളി ഭീകരവാദമാണെന്ന് ഷാങ്​ഹായ്​ സഹകരണ സംഘടന (എസ്​.സി.ഒ) ഉച്ചകോടി വേദിയിൽ ഇന്ത്യ. ഉപരാഷ്​ട്രപതി വെങ്കയ്യ നായിഡുവാണ്​ എസ്​.സി.ഒ അംഗരാജ്യങ്ങളുടെ തലവന്മാർ പ​ങ്കെടുത്ത വെർച്വൽ യോഗത്തിൽ ഭീകരവാദത്തി​െൻറ ഭീഷണി എടുത്തുപറഞ്ഞത്​. കൂട്ടായ യത്​നത്തിലൂടെ ഇതിനെ പ്രതിരോധിക്കണം. ഭീകരവാദത്തെ ഔദ്യോഗിക നയമായി കരുതുന്ന രാജ്യം ആശങ്കയുണ്ടാക്കുന്നുണ്ടെന്ന്​​ പാകിസ്​താനെ പരോക്ഷമായി പരാമർശിച്ച്​ അദ്ദേഹം പറഞ്ഞു.

അതിർത്തിക്കപ്പുറത്തുനിന്നുള്ള ഭീകരവാദമാണ്​ ഇന്ത്യ നേരിടുന്ന വലിയ ഭീഷണി. ഭീകരവാദം ഇല്ലാതാക്കിയാൽ മേഖല കരുത്താർജിക്കു​ം. എസ്​.സി.ഒ വേദിയിൽ പ്രത്യേക താൽപര്യത്തോടെ ഉഭയകക്ഷി വിഷയങ്ങൾ കൊണ്ടുവരുന്നത്​ നിർഭാഗ്യകരമാണെന്നും സംഘടന തത്ത്വങ്ങളുടെ ലംഘനമാണിതെന്നും പാകിസ്​താനെ പരാമർശിച്ചുതന്നെ ​നായിഡു പറഞ്ഞു.

2017ൽ സമ്പൂർണ അംഗത്വം ലഭിച്ചശേഷം ഇതാദ്യമായാണ്​ ഇന്ത്യ എസ്​.സി.ഒ ഉച്ചകോടിക്ക്​ വേദിയാകുന്നത്​. കഴിഞ്ഞ സെപ്​റ്റംബറിൽ എസ്​.സി.ഒ രാജ്യങ്ങളിലെ ഉന്നത സുരക്ഷ ഉദ്യോഗസ്ഥരുടെ വെർച്വൽ യോഗത്തിൽനിന്ന്​ ഇന്ത്യയുടെ ദേശീയ സുരക്ഷ ഉപദേഷ്​ടാവ്​ അജിത്​ ഡോവൽ ഇറങ്ങിപ്പോയിരുന്നു. ഭൂപടത്തിൽ കശ്​മീരിനെ തെറ്റായി കാണിച്ച പാക്​ നടപടിയിൽ പ്രതിഷേധിച്ചായിരുന്നു ഇറങ്ങിപ്പോക്ക്​. ചൈന, കസാഖ്​സ്​താൻ, കിർഗിസ്​താൻ, റഷ്യ, തജികിസ്​താൻ, ഉസ്​ബകിസ്​താൻ, ഇന്ത്യ, പാകിസ്​താൻ എന്നീ എട്ടു രാജ്യങ്ങളാണ്​ എസ്​.സി.ഒ അംഗങ്ങൾ. കൂടാതെ നിരീക്ഷക രാജ്യങ്ങളുമുണ്ട്​. ഈ മാസം ആദ്യം റഷ്യയിൽ നടന്ന എസ്​.സി.ഒ വെർച്വൽ യോഗത്തിൽ പ്രധാനമന്ത്രി നരേന്ദ്ര മോദി പ​​ങ്കെടുത്തിരുന്നു.