രാജ്യത്ത്​ വാക്​സിൻ വിതരണം ജനുവരി മുതൽ

ന്യൂഡൽഹി: രാജ്യത്ത​്​ ജനുവരി മുതൽ കോവിഡ്​ വാക്​സിൻ പൗരന്മാർക്ക്​ വിതരണം ചെയ്​തു തുടങ്ങ​ു​മെന്ന്​ കേന്ദ്ര ആരോഗ്യ മന്ത്രി ഹർഷ്​ വർധൻ. സുരക്ഷക്കും വാക്​സിന്‍റെ ഫലപ്രാപ്​തിക്കുമാകും പ്രഥമ പരിഗണന നൽകുകയെന്നും അദ്ദേഹം പറഞ്ഞു​.

ജനുവരിയിൽകോവിഡ്​ പ്രതിരോധ വാക്​സിന്‍റെ ആദ്യ ഡോസ്​ ഇന്ത്യയിലെ ജനങ്ങൾക്ക്​ നൽകാൻ സാധിക്കുമെന്ന്​ ഞാൻ വ്യക്തിപരമായി കരുത്തുന്നു. അടിയന്തര ഉപയോഗത്തിനായി അപേക്ഷിച്ച വാക്​സിനുകൾ ഡ്രഗ്​ റെഗുലേറ്റർ വിശകലനം ചെയ്യുന്നു​ണ്ടെന്നും അദ്ദേഹം പറഞ്ഞു.

'കോവിഡ്​ വാക്​സിൻ പരീക്ഷണത്തിൽ ഇന്ത്യ ഒരു രാജ്യത്തെക്കാളും പിറകിലല്ല. നമ്മുടെ പ്രഥമ പരിഗണന സുരക്ഷയും ഫലപ്രാപ്​തിയുമാണ്​. അതിൽ യാതൊരു വിട്ടുവീഴ്ചയുമില്ല. നമ്മുടെ റെഗുലേറ്റർമാർ കാര്യക്ഷമമായി ഇതിനെ പരിശോധിക്കുന്നു' -ഹർഷവർധന്‍ പറഞ്ഞു.

ഇന്ത്യയിൽ ആറു കോവിഡ്​ വാക്​സിനുകളാണ്​ ഇപ്പോൾ പരീക്ഷണം നടത്തികൊണ്ടിരിക്കുന്നത്​. കോവിഷീൽഡ്​, കോവാക്​സിൻ, ​ൈസകോവ്​ -ഡി, സ്​പുട്​നിക്​ 5, എൻ.വി.എക്​സ്​ -കോവ്​2373എന്നിവയാണ്​ പരീക്ഷണം തുടരുന്നത്​.