ആണവ കേന്ദ്രങ്ങളുടെ പട്ടിക കൈമാറി ഇന്ത്യയും പാകിസ്​താനും

ഇസ്​ലാമാബാദ്​: തങ്ങളുടെ ആണവ കേന്ദ്രങ്ങളുടെ പട്ടിക​ പരസ്​പരം കൈമാറി ഇന്ത്യയും പാകിസ്​താനും. ഇരുരാജ്യങ്ങൾക്കുമിടയിൽ ആണവ അക്രമം തടയുന്നതി​െൻറ ഭാഗമായുള്ള ഉടമ്പടിയുടെ ഭാഗമായാണ്​ പട്ടിക കൈമാറ്റം.

പാകിസ്​താനിലെ ആണവ കേന്ദ്രങ്ങളുടെയും സൗകര്യങ്ങളുടെയും പട്ടിക ഇന്ത്യൻ ഹൈക്കമ്മീഷ​െൻറ പ്രതിനിധിക്ക് വെള്ളിയാഴ്​ച പാക്​ വിദേശകാര്യ മന്ത്രാലയം കൈമാറി. ഇന്ത്യൻ വിദേശകാര്യ മന്ത്രാലയം ഇന്ത്യൻ ആണവ സ്​ഥാപനങ്ങളുടെ പട്ടിക പാക്​ ഹൈ കമീഷണർ പ്രതിനിധിക്കും കൈമാറി. വിദേശകാര്യമന്ത്രാലയമാണ് ഇക്കാര്യം അറിയിച്ചത്.

1988 ഡിസംബർ 31നാണ്​ ഇരു രാജ്യങ്ങൾക്കുമിടയിൽ ആണവായുധ അക്രമ നിരോധന ഉടമ്പടി ഉണ്ടാകുന്നത്​. 1992 ജനുവരി ഒന്നു മുതൽ വിവരകൈമാറ്റം കൃത്യമായി ഇരുരാജ്യങ്ങൾക്കുമിടയിൽ നടക്കുന്നുണ്ട്.