![covid india covid india](https://www.madhyamam.com/h-upload/2021/06/03/1032696-india-records-2887-covid-deaths-134-lakh-fresh-cases.webp)
രാജ്യത്ത് 1.34ലക്ഷം പേർക്ക് കൂടി കോവിഡ്; 65 ശതമാനം കേസുകളും അഞ്ചു സംസ്ഥാനങ്ങളിൽനിന്ന്
text_fieldsന്യൂഡൽഹി: രാജ്യത്ത് പുതുതായി കോവിഡ് സ്ഥിരീകരിച്ചവരുടെ എണ്ണം ഒരുലക്ഷത്തിന് മുകളിൽ. 24 മണിക്കൂറിനിടെ 1,34,154 പേർക്കാണ് കോവിഡ് സ്ഥിരീകരിച്ചത്. 2887 മരണവും സ്ഥിരീകരിച്ചു.
തമിഴ്നാട്ടിലും കേരളത്തിലുമാണ് പുതുതായി രോഗം സ്ഥിരീകരിക്കുന്നവരുടെ എണ്ണം ഏറ്റവും കൂടുതൽ. തമിഴ്നാട്ടിൽ കഴിഞ്ഞദിവസം 25,317 പേർക്ക് കോവിഡ് സ്ഥിരീകരിച്ചിരുന്നു. കേരളത്തിൽ 19,661 പേർക്കും. 16,387ആണ് കർണാടകയിൽ കഴിഞ്ഞദിവസം രോഗം സ്ഥിരീകരിച്ചവരുടെ എണ്ണം. മഹാരാഷ്ട്ര -15,169, ആന്ധ്രപ്രദേശ് 12,768 എന്നിങ്ങനെയാണ് കണക്കുകൾ.
വ്യാഴാഴ്ച റിപ്പോർട്ട് ചെയ്ത 1.34ലക്ഷം കേസുകളിൽ 66.58 ശതമാനം കേസുകളും അഞ്ചു സംസ്ഥാനങ്ങളിൽനിന്നാണ്. തമിഴ്നാട്, കേരള, കർണാടക, മഹാരാഷ്ട്ര, ആന്ധ്ര പ്രദേശ് എന്നീ സംസ്ഥാനങ്ങളാണ് അവ. ഇതിൽ തമിഴ്നാട്ടിൽ മാത്രം 18.87 ശതമാനം കേസുകൾ വരും.
രാജ്യത്ത് 3,37,989 പേരാണ് ഇതുവരെ കോവിഡ് ബാധിച്ച് മരിച്ചത്. മഹാരാഷ്ട്രയിൽ 553 പേരും തമിഴ്നാട്ടിൽ 483 പേരുമാണ് കോവിഡ് ബാധിച്ച് 24 മണിക്കൂറിനിടെ മരിച്ചത്. 92.79 ശതമാനമാണ് രോഗമുക്തി നിരക്കെന്നും ആരോഗ്യ മന്ത്രാലയം അറിയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.