​​രാജ്യത്ത്​ 24 മണിക്കൂറിനുള്ളിൽ 11,831 പേർക്കു കൂടി കോവിഡ്, 84 പേർ മരിച്ചു

ന്യൂഡൽഹി: രാജ്യത്ത്​ 24 മണിക്കൂറിനുള്ളിൽ 11,831 പേർക്കു കൂടി കോവിഡ്​ സ്ഥിരീകരിച്ചു. 84 പേർ മരിച്ചു. ഇതോടെ ആകെ കോവിഡ്​ സ്ഥിരീകരിച്ചവരുടെ എണ്ണം1,08,38,194 ആയി. 1,05,34,505 പേർ രോഗമുക്തരായി. കേ​ന്ദ്ര ആരോഗ്യ കുടുംബക്ഷേമ മന്ത്രാലയം വ്യക്തമാക്കിയതാണിക്കാര്യം.

രാജ്യത്ത്​ ഇതുവരെ 1,55,080 പേർ കോവിഡ്​ ബാധിച്ചു മരിച്ചു.1.43 ശതമാനമാണ്​ കോവിഡ്​ മരണ നിരക്ക്​. 130 കോടി ജനസംഖ്യ ഉണ്ടായിരുന്നിട്ടുകൂടി ഇന്ത്യയിൽ കോവിഡ്​ മരണങ്ങൾ യു.എസിലേതിനേക്കാളും മറ്റ് ലാറ്റിനമേരിക്കൻ, യൂറോപ്യൻ രാജ്യ​ത്തേതിനേക്കാളും ​ കുറക്കാൻ സാധിച്ചിട്ടുണ്ടെന്ന്​ കേന്ദ്ര മന്ത്രി പ്രകാശ്​ ജാവ്​ദേക്കർ പറഞ്ഞു.

ആരോഗ്യ മന്ത്രാലയത്തി​െൻറ കണക്കനുസരിച്ച്​ 1,48,609 പേരാണ്​ നിലവിൽ ചികിത്സയിലുള്ളത്​. ഞായറാഴ്​ച രാജ്യത്ത്​ 12,059 പേർക്കാണ്​​ കോവിഡ്​ സ്ഥിരീകരിച്ചത്​. 78 പേർ മരിക്കുകയും ചെയ്​തു.

അതേസമയം, 58,12,362 ആരോഗ്യ പ്രവർത്തകർ പ്രതിരോധ മരുന്ന്​ സ്വീകരിച്ചു കഴിഞ്ഞു. ജനുവരി 16നാണ്​ കോവിഡ്​ പ്രതിരോധ മരുന്ന്​ നൽകൽ ആരംഭിച്ചത്​. മരുന്ന്​ സ്വീകരിച്ച ആർക്കും ഇതുവരെ പ്രശ്​നങ്ങളൊന്നും റിപ്പോർട്ട്​ ചെയ്യപ്പെട്ടിട്ടില്ല.