രാജ്യത്ത് 24 മണിക്കൂറിനിടെ​ 2.17 ലക്ഷം​ കോവിഡ്​ ബാധിതർ; സ്​ഥിതി അതീവ ഗുരുതരം, 1,185 മരണം

ന്യൂഡൽഹി: രാജ്യത്ത്​ കോവിഡ്​ വ്യാപനത്തിന്‍റെ രണ്ടാം തരംഗം അതിരൂക്ഷം. 24 മണിക്കൂറിനിടെ 2,17,353 പേർക്കാണ്​ കോവിഡ്​ ബാധിച്ചത്​. 1185 മരണവും സ്​ഥിരീകരിച്ചതായും ആരോഗ്യമന്ത്രാലയം അറിയിച്ചു.

1,42,91,917 പേർക്കാണ്​ രാജ്യത്ത്​ ഇതുവരെ കോവിഡ്​ സ്​ഥിരീകരിച്ചത്​. 1,25,47,866 പേർ രോഗമുക്തി നേടി. 15,69,743പേരാണ്​ നിലവിൽ ചികിത്സയിലുള്ളത്​. 1,74,308 പേർക്കാണ്​ കോവിഡ്​ മൂലം ഇതുവരെ രാജ്യത്ത്​ ജീവൻ നഷ്​ട​െപ്പട്ടതെന്നും ആരോഗ്യമന്ത്രാലയം അറിയിച്ചു.

അതേസമയം രാജ്യത്ത്​ 11,72,23,509പേരാണ്​ കോവിഡ്​ വാക്​സിൻ സ്വീകരിച്ചത്​. എന്നാൽ പലയിടത്തും കോവിഡ്​ വാക്​സിൻ ക്ഷാമം അനുഭവപ്പെടുന്നുണ്ടെന്നാണ്​ വിവരം.

മഹാരാഷ്​ട്ര, ഉത്തർ​പ്രദേശ്​, ഗുജറാത്ത്​ സംസ്​ഥാനങ്ങളിലാണ്​ രോഗവ്യാപനം രൂക്ഷം. ആരോഗ്യസംവിധാനങ്ങളുടെ അഭാവവും കോവിഡ്​ പ്രതിരോധത്തിന്​ ഇവിടെ പ്രതികൂലമാകുന്നു. ഓക്​സിജൻ ക്ഷാമവും കിടക്ക സൗകര്യം ഇല്ലാത്തതും കൂടുതൽ പ്രതിസന്ധി സൃഷ്​ടിക്കുന്നുണ്ട്​.