മൂന്ന് മാസത്തിന് ശേഷം ആദ്യമായി പ്രതിദിന കോവിഡ് കേസുകളുടെ എണ്ണം 40000ത്തിൽ താഴെ
text_fields
ന്യൂഡൽഹി: മൂന്ന് മാസത്തിന് ശേഷം ആദ്യമായി ഇന്ത്യയിൽ പ്രതിദിന കോവിഡ് കേസുകളുടെ എണ്ണം 40000ത്തിൽ താഴെ എത്തി. 24 മണിക്കൂറിനിടെ 37,566 പുതിയ കേസുകളാണ് രാജ്യത്ത് റിപ്പോർട്ട് ചെയ്യപ്പെട്ടത്. 56,994 പേർ രോഗമുക്തി നേടി. 907 പേർക്കാണ് കഴിഞ്ഞ ദിവസം മഹാമാരി മൂലം ജീവൻ നഷ്ടമായത്. രാജ്യത്ത് ഇതിനോടകം 3.97 ലക്ഷം ആളുകൾ കോവിഡ് ബാധിച്ച് മരണമടഞ്ഞു.
ഇന്ത്യയിലെ മൊത്തം കോവിഡ് ബാധിതരുടെ എണ്ണം 3.03 കോടിയായി. നിലവിൽ 5.52 ലക്ഷം ആളുകളാണ് ചികിത്സയിൽ കഴിയുന്നത്. 2.93 കോടിയാളുകൾ രോഗമുക്തി നേടി. കഴിഞ്ഞ ദിവസം ഒരു സംസ്ഥാനത്തും 10,000 ത്തിന് മേൽ കോവിഡ് കേസുകൾ സ്ഥിരീകരിച്ചിട്ടില്ല. 8063 കേസുകളുമായി കേരളമാണ് പട്ടികയിൽ ഒന്നാം സ്ഥാനത്ത്. മഹാരാഷ്ട്രയിൽ 6727 പുതിയ രോഗികളുണ്ട്.
17,68,008 സാംപിളുകളാണ് തിങ്കളാഴ്ച പരിശോധിച്ചത്. ഇതുവരെ 40.81 കോടി സാംപിളുകൾ പരിശോധിച്ചതായി ഐ.സി.എം.ആർ അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.