ഇന്ത്യയിൽ തെരഞ്ഞെടുപ്പുകൾ ബാലറ്റ്​ പേപ്പർ വഴിയാക്കണമെന്ന്​ നവ്​ജോത്​ സിങ്​ സിധു

ന്യൂഡൽഹി: ഇന്ത്യയിൽ തെരഞ്ഞെടുപ്പുകൾ ബാലറ്റ്​ പേപ്പർ വഴിയാക്കണമെന്ന്​ കോൺഗ്രസ്​ ​േനതാവും മുൻ ഇന്ത്യൻ ക്രിക്കറ്റ്​ താരവുമായ നവ്​ജോത്​ സിങ്​ സിധു. തെരഞ്ഞെടുപ്പുകളുടെ പാവനത ഇലക്​ഷൻ കമീഷൻ കാത്തു സൂക്ഷിക്കണമെന്നും സിധു ട്വീറ്റിൽ ആവശ്യപ്പെട്ടു.

പശ്ചിമ ബംഗാൾ നിയമസഭാ തെര​െഞ്ഞടുപ്പിൽ ഗംഭീര ജയം നേടിയതിനുപിന്നാലെ തൃണമൂൽ കോൺഗ്രസ്​ അധ്യക്ഷ മമത ബാനർജി വാർത്തസമ്മേളനം നടത്തുന്ന ദൃശ്യം പങ്കുവെച്ചാണ്​ സിധുവിന്‍റെ ട്വീറ്റ്​. വോ​ട്ടെണ്ണലിൽ തിരിമറി നടത്തിയി​െല്ലങ്കിൽ തന്നെ വധിക്കുമെന്ന്​ ചിലർ ഭീഷണിപ്പെടുത്തിയെന്ന സന്ദേശം നന്ദിഗ്രാമിൽ ഇലക്​ഷൻ ചുമതലയുണ്ടായിരുന്ന ഉദ്യോഗസ്​ഥൻ മമതക്ക്​ അയച്ചിരുന്നു. ഇത്​ വാർത്തസമ്മേളനത്തിൽ വായിക്കുന്ന ദൃശ്യമാണ്​ സിധു പങ്കുവെച്ചത്​.

'തെരഞ്ഞെടുപ്പുകളുടെ പരിപാവനത ഇലക്​ഷൻ കമീഷൻ കാത്തുസൂക്ഷിക്കണം. നമ്മുടെ ജനാധിപത്യത്തിന്‍റെ അടിസ്​ഥാനംതന്നെ സുതാര്യവും സ്വതന്ത്രവുമായ തെരഞ്ഞെടുപ്പാണ്​. ഇലക്​ഷൻ കമീഷന്‍റെ പ്രവർത്തനങ്ങൾക്കെതിരെ ഉയരുന്ന ആക്ഷേപങ്ങൾ ജനാധിപത്യത്തിന്‍റെ അടിത്തറയെ പിടിച്ചുകുലുക്കുന്നതാണ്​. പഞ്ചാബ്​ നിയമസഭയിൽ ഞാൻ മുന്നോട്ടുവെച്ച ആവശ്യം ആവർത്തിക്കുകയാണ്​. ഇന്ത്യയിലെ തെര​െഞ്ഞടുപ്പുകൾ മുഴുവൻ ബാലറ്റ്​ പേപ്പർ വഴി ആക്കണം. ലോകത്തെ മുൻനിര രാഷ്​ട്രങ്ങളായ യു.കെ, യു.എസ്​.എ എന്നിവിടങ്ങളിലെല്ലാം ബാലറ്റ്​ പേപ്പർ വഴിയാണ്​ തെരഞ്ഞെടുപ്പ്​ നടക്കുന്നത്​.' -രണ്ടു ട്വീറ്റുകളിലായി സിധു ആവശ്യമുന്നയിച്ചു.

രാജ്യത്ത്​ ഇലക്​ട്രോണിക്​ ​േവാട്ടിങ്​ മെഷീനിൽ തിരിമറി നടക്കുന്നതായ ആക്ഷേപങ്ങൾ പലപ്പോഴും ഉയരുന്നുണ്ട്​. കോൺഗ്രസ്​ അടക്കം മിക്ക പ്രതിപക്ഷ കക്ഷികളും ബാലറ്റ്​ പേപ്പറിൽ തെരഞ്ഞെടുപ്പ്​ നടത്തണമെന്ന ആവശ്യം നിരന്തരം ഉന്നയിക്കുന്നുണ്ടെങ്കിലും കേന്ദ്ര സർക്കാർ മുഖം തിരിക്കുകയാണ്​.