'സ്മാർട്ട്' വിജയകരമായി പരീക്ഷിച്ച് ഇന്ത്യ

ന്യൂഡല്‍ഹി: സൂപ്പർ സോണിക് മിസൈൽ സഹായത്തോടെ പ്രവർത്തിക്കുന്ന പ്രത്യേക ടോർപിഡോ സംവിധാനം 'സ്മാർട്ട്' ഇന്ത്യ വിജയകരമായി പരീക്ഷിച്ചു. രാവിലെ 11.45 ന് ഒഡീഷ തീരത്തെ വീലർ ദ്വീപിലായിരുന്നു പരീക്ഷണം.

അന്തർവാഹിനികളെ തകർക്കാൻ ഉപയോഗിക്കുന്ന ഭാരം കുറഞ്ഞ ഈ ടോർപിഡോ, മിസൈലുകളുടെ സഹായത്തോടെയാണ് പ്രവര്‍ത്തിക്കുന്നത്. പ്രതിരോധ ഗവേഷണ വികസന കേന്ദ്രത്തിന് കീഴിലുള്ള വിവിധ പരീക്ഷണശാലകൾ ആണ് 'സ്മാർട്ട്'ന് ആവശ്യമായ സാങ്കേതികവിദ്യകൾ വികസിപ്പിച്ചത്.

സുപ്രധാന നേട്ടം സ്വന്തമാക്കിയ ഡിഫന്‍സ് റിസര്‍ച്ച് ആന്‍ഡ് ഡെവലപ്‌മെന്റ് ഓര്‍ഗനൈസേഷനെ (ഡി.ആര്‍.ഡി.ഒ.) പ്രതിരോധ മന്ത്രി രാജ്നാഥ് സിങ്‌indii അഭിനന്ദിച്ചു.