വിസ വിലക്ക്​, യാത്ര നിയന്ത്രണം; കോവിഡ് വ്യാപനം തടയാൻ കർശന നടപടികൾ

ന്യൂഡൽഹി: കോവിഡ്​-19 മഹാമാരിയായി ലോകാരോഗ്യ സംഘടന പ്രഖ്യാപിച്ച സാഹചര്യത്തിൽ ഇന്ത്യ കർശന നടപടികൾ കൈക്കൊള്ള ുന്നു. മാർച്ച്​ 13 മുതൽ ഏപ്രിൽ 15 വരെ ടൂറിസ്​റ്റ്​ വിസകൾ അടക്കമുള്ളവ റദ്ദാക്കാൻ കേന്ദ്ര ആരോഗ്യ ​മ​ന്ത്രി ഹർഷവർധ ​​െൻറ നേതൃത്വത്തിൽ ചേർന്ന അടിയന്തര യോഗം തീരുമാനിച്ചു.

നയതന്ത്ര വിസകൾ പോലുള്ളവ മാത്രമാണ്​ ഈ കാലയളവിൽ അനുവദിക്കുക. വിദേശ ഇന്ത്യക്കാർക്കുള്ള ഒ.സി.ഐ കാർഡുള്ളവർക്കുള്ള വിസരഹിത യാത്രയും ഏപ്രിൽ 15 വരെ നിർത്തി​വെക്കും. ചൈന, ഇറ്റലി, ഇറാൻ, ദക്ഷിണ കൊറിയ, ഫ്രാൻസ്​, സ്​പെയിൻ, ജർമനി എന്നിവിടങ്ങളിൽനിന്ന്​ ഫെബ്രുവരി 15നു ശേഷം ഇന്ത്യയിൽ എത്തിയവരെയെല്ലാം 14 ദിവസത്തെ കർക്കശ നിരീക്ഷണത്തിലാക്കും.

രാജ്യത്തിനു​ പുറത്തേക്ക്​ ഇന്ത്യക്കാർ ഒഴിവാക്കാനാകാത്ത സാഹചര്യത്തിൽ മാത്രമേ യാത്ര ചെയ്യാൻ പാടുള്ളൂവെന്നും കേന്ദ്ര സർക്കാർ നിർദേശിച്ചിട്ടുണ്ട്​. ഇറ്റലിയിലുള്ളവർക്ക്​ അവിടെ പരിശോധന സൗകര്യം ഒരുക്കുകയും നെഗറ്റിവ്​ ആയാൽ യാത്ര അനുവദിക്കുകയും ചെയ്യും.

ഇറ്റലിയിലേക്കും ദക്ഷിണ കൊറിയയിലേക്കുമുള്ള എയർ ഇന്ത്യ സർവിസ് നിർത്തി

ന്യൂഡൽഹി: കോവിഡ് 19 വ്യാപനത്തിന്‍റെ പശ്ചാത്തലത്തിൽ ഇറ്റലിയിലേക്കും ദക്ഷിണ കൊറിയയിലേക്കുമുള്ള വിമാന സർവിസുകൾ എയർ ഇന്ത്യ റദ്ദാക്കി. ഇറ്റലിയിലേക്ക് മാർച്ച് 25 വരെയും ദക്ഷിണ കൊറിയയിലേക്ക് മാർച്ച് 28 വരെയുമാണ് വിമാന സർവിസ് റദ്ദാക്കിയത്.