​എം.പിമാരുടെ പതിവു കാര്യങ്ങളിൽ ഇടപെടേണ്ടെന്ന്​​ ചൈനയോട്​ ഇന്ത്യ

ന്യൂ​ഡ​ൽ​ഹി: എം.​പി​മാ​രു​ടെ സാ​ധാ​ര​ണ പ്ര​വ​ർ​ത്ത​ന​ങ്ങ​ളി​ൽ ഇ​ട​പെ​ടു​ന്ന​തി​ൽ​നി​ന്ന്​ വി​ട്ടു​നി​ൽ​ക്കാ​ൻ ചൈ​നീ​സ്​ എം​ബ​സി​യോ​ട്​ ഇ​ന്ത്യ​​ ആ​വ​ശ്യ​പ്പെ​ട്ടു. തി​ബ​ത്തി​ലെ പ്ര​വാ​സ പാ​ർ​ല​മെൻറ്​ സം​ഘ​ടി​പ്പി​ച്ച പ​രി​പാ​ടി​യി​ൽ പ​​ങ്കെ​ടു​ത്ത​തി​ന്​ ചൈ​നീ​സ്​ എം​ബ​സി ഇ​ന്ത്യ​ൻ എം.​പി​മാ​ർ​ക്ക്​ ക​ത്തെ​ഴു​തി​യി​രു​ന്നു.

ക​ത്ത്​ അ​ന​വ​സ​ര​ത്തി​ലു​ള്ള​തും അ​നു​ചി​ത​വു​മാ​ണെ​ന്നും​ ഇ​ന്ത്യ പ്ര​തി​ക​രി​ച്ചു. ഓ​ൾ പാ​ർ​ട്ടി ഇ​ന്ത്യ​ൻ പാ​ർ​ല​മെ​ന്‍റ​റി ഫോ​റം ഫോ​ർ തി​ബ​ത്തി​ലെ ചി​ല എം.​പി​മാ​ർ​ക്ക് ചൈ​നീ​സ് എം​ബ​സി അ​യ​ച്ച ക​ത്തി​ൽ സ്വീ​ക​ര​ണ​ത്തി​ൽ പ​ങ്കെ​ടു​ത്ത​തി​ൽ ആ​ശ​ങ്ക പ്ര​ക​ടി​പ്പി​ക്കു​ക​യും തി​ബ​ത്ത​ൻ സേ​ന​ക്ക്​ പി​ന്തു​ണ ന​ൽ​ക​രു​തെ​ന്ന് ആ​വ​ശ്യ​പ്പെ​ടു​ക​യും ചെ​യ്തി​രു​ന്നു.

ജ​ന​പ്ര​തി​നി​ധി​ക​ൾ എ​ന്ന നി​ല​യി​ൽ കാ​ഴ്ച​പ്പാ​ടു​ക​ൾ​ക്കും വി​ശ്വാ​സ​ങ്ങ​ൾ​ക്കും അ​നു​സ​രി​ച്ചു​ള്ള പ്ര​വ​ർ​ത്ത​ന​ങ്ങ​ളാ​ണ്​ എം.​പി​മാ​രു​ടേ​തെ​ന്ന്​ ചൈ​നീ​സ്​ പ​ക്ഷ​ത്തു​ള്ള​വ​ർ ശ്ര​ദ്ധി​ക്ക​ണ​മെ​ന്നും വി​ദേ​ശ​കാ​ര്യ മ​ന്ത്രാ​ല​യ വ​ക്താ​വ് അ​രി​ന്ദം ബാ​ഗ്ചി പ​റ​ഞ്ഞു.