ഇ​ന്ത്യ​ൻ സേ​ന​യി​ലെ 'മു​സ്​​ലിം റ​ജി​​മെൻറ്​' പാ​കി​സ്​​താ​നെതിരെ യു​ദ്ധ​ം ചെയ്യാൻ വി​സ​മ്മ​തി​ച്ചോ?

ന്യൂ​ഡ​ൽ​ഹി: പാ​കി​സ്​​താ​നു​മാ​യി ന​ട​ന്ന 1965ലെ ​യു​ദ്ധ​ത്തി​ൽ ഇ​ന്ത്യ​ൻ സേ​ന​യി​ലെ 'മു​സ്​​ലിം റ​ജി​​മെൻറ്​' ആ ​രാ​ജ്യ​വു​മാ​യി പോ​രാ​ടാ​ൻ വി​സ​മ്മ​തി​ച്ചോ? വി​സ​മ്മ​തി​ച്ചു​വെ​ന്ന്​ വി​ശ​ദീ​ക​രി​ക്കു​ന്ന വ്യാ​ജ​വാ​ർ​ത്ത സ​മൂ​ഹ മാ​ധ്യ​മ​ങ്ങ​ളി​ൽ പ​ട​ർ​ന്നു ക​യ​റു​ന്നു. ന്യൂ​ന​പ​ക്ഷ വി​രോ​ധം കു​ത്തി​വെ​ക്കു​ന്ന ക​പ​ട ദേ​ശീ​യ​ത​യു​ടെ വ്യാ​ജ​വാ​ർ​ത്ത​യി​ലെ ഏ​റ്റ​വും ശ്ര​ദ്ധേ​യ​മാ​യ വ​ശം മ​റ്റൊ​ന്നാ​ണ്​: ഇ​ന്ത്യ​ൻ സേ​ന​യി​ൽ ഒ​രി​ക്ക​ലും മു​സ്​​ലിം റ​ജി​മെൻറ്​ ഉ​ണ്ടാ​യി​ട്ടി​ല്ല.

ഏ​തെ​ങ്കി​ലും മ​ത​വു​മാ​യി ബ​ന്ധ​പ്പെ​ടു​ത്തി റ​ജി​മെൻറ്​ ഇ​ന്ത്യ​ൻ സേ​ന​ക്കി​ല്ല. എ​ന്നാ​ൽ, പാ​കി​സ്​​താ​നോ​ട്​ പോ​രാ​ടാ​ൻ വി​സ​മ്മ​തി​ച്ച​തി​നെ തു​ട​ർ​ന്ന്​ മു​സ്​​ലിം റ​ജി​മെൻറ്​ നി​ർ​ത്ത​ലാ​ക്കി​യെ​ന്നാ​ണ്​ വ്യാ​ജ​വാ​ർ​ത്ത​ക​ളി​ലെ മ​റ്റൊ​രു ഉ​പ​ക​ഥ. ഇ​ത്ത​ര​ത്തി​ൽ വ്യാ​ജ​വാ​ർ​ത്ത പ്ര​ച​രി​പ്പി​ച്ച്​ സൈ​ന്യ​ത്തി​ൽ ചേ​രി​തി​രി​വു​ണ്ടാ​ക്കാ​നും സേ​ന​യി​ലെ മു​സ്​​ലിം​ക​ളു​ടെ മ​നോ​വി​കാ​രം വ്ര​ണ​പ്പെ​ടു​ത്താ​നു​മു​ള്ള നീ​ക്ക​ങ്ങ​ൾ​ക്കെ​തി​രെ ന​ട​പ​ടി ആ​വ​ശ്യ​പ്പെ​ട്ട്​ സേ​ന​യി​ലെ മു​ൻ​സേ​നാ മേ​ധാ​വി​ക​ൾ രാ​ഷ്​​ട്ര​പ​തി രാം​നാ​ഥ്​ കോ​വി​ന്ദി​ന്​ ക​ത്തെ​ഴു​തി​യി​രി​ക്കു​ക​യാ​ണ്​ ഇ​പ്പോ​ൾ.

2013ൽ ​നു​ര​ഞ്ഞു​​പൊ​ന്തി​യ ഈ ​വാ​ർ​ത്ത ഇ​ട​ക്കാ​ല​ത്തി​ന്​ ശേ​ഷം വീ​ണ്ടും സ​മൂ​ഹ മാ​ധ്യ​മ​ങ്ങ​ളി​ൽ നി​റ​ഞ്ഞ​തോ​ടെ​യാ​ണ്​ മു​ൻ സേ​നാ​മേ​ധാ​വി​ക​ളു​ടെ ഇ​ട​പെ​ട​ൽ. പാ​ക്, ചൈ​ന അ​തി​ർ​ത്തി​ക​ളി​ൽ സം​ഘ​ർ​ഷം വ​ള​ർ​ന്നു നി​ൽ​ക്കു​ന്ന സ​മ​യ​ത്തു ത​ന്നെ വ്യാ​ജ​വാ​ർ​ത്ത പ്ര​ച​രി​പ്പി​ക്കു​ന്ന​തി​ലെ ഗൂ​ഢ​ല​ക്ഷ്യം അ​വ​ർ ചോ​ദ്യം​ചെ​യ്യു​ന്നു.

നാ​വി​ക​സേ​ന മു​ൻ മേ​ധാ​വി അ​ഡ്​​മി​റ​ൽ എ​ൽ. രാം​ദാ​സ്​ അ​ട​ക്കം ഉ​യ​ർ​ന്ന പ​ദ​വി​ക​ളി​ലി​രു​ന്ന്​ വി​ര​മി​ച്ച 120ഓ​ളം പേ​രാ​ണ്​ രാ​ഷ്​​ട്ര​പ​തി​ക്ക്​ ക​ത്തെ​ഴു​തി​യ​ത്. സേ​ന​യു​ടെ പ​ല റ​ജി​മെൻറു​ക​ളി​ലും മു​സ്​​ലിം​ക​ൾ സേ​വ​ന​മ​നു​ഷ്​​ഠി​ക്കു​ന്നു​ണ്ടെ​ന്ന്​ ക​ത്തി​ൽ ചൂ​ണ്ടി​ക്കാ​ട്ടി. രാ​ജ്യ​ത്തോ​ടു​ള്ള അ​ങ്ങേ​യ​റ്റ​ത്തെ പ്ര​തി​ബ​ദ്ധ​ത പ്ര​ക​ട​മാ​ക്കി​യി​ട്ടു​മു​ണ്ട്. പ​ര​മ​വീ​ര ച​ക്രം നേ​ടി​യ ഹ​വി​ൽ​ദാ​ർ അ​ബ്​​ദു​ൽ ഹ​മീ​ദ്, ല​ഫ്. ജ​ന​റ​ൽ മു​ഹ​മ്മ​ദ്​ സാ​കി, വീ​ര​ച​ക്രം നേ​ടി​യ മേ​ജ​ർ അ​ബ്​​ദു​ൽ റ​ഫീ​ഖാ​ൻ എ​ന്നി​വ​ർ 1965ലെ ​യു​ദ്ധ​ത്തി​ൽ പ​​ങ്കെ​ടു​ത്ത​വ​രാ​ണ്. ഇ​ത്ത​രം പ്ര​ചാ​ര​ണ​ത്തെ​ക്കു​റി​ച്ച്​ അ​ന്വേ​ഷ​ണം ന​ട​ത്ത​ണ​മെ​ന്നും, വ്യാ​ജ​വാ​ർ​ത്ത പ്ര​ച​രി​പ്പി​ക്കു​ന്ന​തി​ന്​ സാ​മ്പ​ത്തി​ക സ​ഹാ​യം കി​ട്ടു​ന്നു​ണ്ടോ എ​ന്ന്​ അ​ന്വേ​ഷി​ക്ക​ണ​മെ​ന്നും രാ​ഷ്​​ട്ര​പ​തി​യോ​ട്​ ക​ത്തി​ൽ ആ​വ​ശ്യ​പ്പെ​ട്ടു.