കശ്മീരിലെ കുൽഗാമിൽ സൈനികവാഹനം അപകടത്തിൽപ്പെട്ട് ഒരു മരണം

കുൽഗാം: ജമ്മു കശ്മീരിലെ കുൽഗാമിൽ സൈനിക വാഹനം അപകടത്തിൽപ്പെട്ട് ഒരു മരണം. സൈനികനാണ് ജീവൻ വെടിഞ്ഞത്. എട്ടു പേർക്ക് പരിക്കേറ്റു. കരസേനയിലെ ചിനാർ കോർപ് ആണ് അപകടവിവരം എക്സിലൂടെ അറിയിച്ചത്.

സൈനിക ഓപറേഷന്‍റെ ഭാഗമായി പുറപ്പെട്ട വാഹനം റോഡിൽ നിന്ന് തെന്നിമാറുകയും തലകീഴാ‍യി മറിയുകയായിരുന്നു. പരിക്കേറ്റവർക്ക് വൈദ്യസഹായം നൽകിയതായും ആരോഗ്യനിലയിൽ ആശങ്കപ്പെടേണ്ടതില്ലെന്നും ചിനാർ കോർപ് അറിയിച്ചു.