ഭീകരവാദത്തി​െൻറ നാഡീകേന്ദ്രമാണ്​ പാകിസ്​താൻ -ടി.എസ്​ തിരുമൂർത്തി

ന്യൂഡൽഹി: പാകിസ്​താനെതിരെ ആഞ്ഞടിച്ച്​ ഐക്യരാഷ്​ട്രസഭയിലെ ഇന്ത്യയുടെ സ്ഥിരം പ്രതിനിധി ടി.എസ്​. തിരുമൂർത്തി. ഭീകരവാദത്തി​െൻറ നാഡീകേന്ദ്രമാണ്​ പാകിസ്​താനെന്നും ഭീകര സംഘടനകൾക്ക്​ പാകിസ്​താൻ സാമ്പത്തിക സഹായവും നേതൃത്വവും നൽകുന്നുണ്ടെന്നും​ അദ്ദേഹം പറഞ്ഞു.

''ഭീകരവാദത്തി​െൻറ നാഡീകേന്ദ്രമാണ്​ പാകിസ്​താനെന്നത്​ വളരെ നന്നായി അറിയാവുന്ന വസ്​തുതയാണ്​. ജമാത്ത്​ ഉദ്​ ദവ, ലഷ്​കറെ ത്വയ്യിബ, ജയ്​ഷെ മുഹമ്മദ്​, ഹിസ്​ബുൽ മുജാഹിദ്ദീൻ ഉൾപ്പെടെയുള്ള ഒ​ട്ടേറെ അന്താരാഷ്​ട്ര ഭീകരവാദ സംഘടനകളുടേയും ഭീകരവാദികളുടേയും വ്യക്തികളുടേയും വസതിയാണ്​ പാകിസ്​താൻ.'' -തിരുമൂർത്തി പറഞ്ഞു. 40000ത്തോളം ഭീകരവാദികൾ രാജ്യത്തുണ്ടെന്ന്​ പാക്​ പ്രധാനമന്ത്രി ഇംറാൻ ഖാൻ ഔദ്യോഗികമായി വ്യക്തമാക്കിയതാണെന്നും അദ്ദേഹം കൂട്ടിച്ചേർത്തു.

അൽ ഖ്വയിദ, ഐസിസ്​ പോലുള്ള ഭീകരവാദ സംഘടനകൾക്ക്​ സാമ്പത്തിക സഹായവും നേതൃത്വവും ലഭിക്കുന്നത്​ പാകിസ്​താനിൽ നിന്നാണെന്ന്​ ഐസിസുമായി ബന്ധപ്പെട്ട ഐക്യരാഷ്ട്രസഭയുടെ 26ാമത്​ റിപ്പോർട്ട്​ ഉദ്ധരിച്ച്​ തിരുമൂർത്തി പറഞ്ഞു. ഇന്ത്യയുമായുള്ള ഉഭയകക്ഷി പ്രശ്​നങ്ങളെ പാകിസ്​താൻ അന്താരാഷ്​ട്രവത്​ക്കരിക്കുകയാണെന്നും അത്​ പുതിയ കാര്യമല്ലെന്ന​ും അദ്ദേഹം വിമർശിച്ചു.