പാകിസ്​താനിലെ ഇന്ത്യൻ സ്​ഥാനപതി ഇസ്ലാമാബാദിലെത്തി

ഇസ്ലാമാബാദ്​: പാകിസ്​താനിലെ ഇന്ത്യൻ സ്​ഥാനപതി അജയ്​ ബിസാരിയ ഇടവേളക്ക്​ ശേഷം ഇസ്ലാമാബാദിൽ എത്തി. ശനിയാഴ്​ച ത ന്നെ ജോലിയിൽ പ്രവേശിക്കുമെന്നാണ്​ വിവരം.

കഴിഞ്ഞ മാസം പുൽവാമയിൽ സി.ആർ.പി.എഫ്​ വാഹനവ്യൂഹത്തിന്​ നേരെയുണ്ട ായ ഭീകരാക്രമത്തി​​െൻറ പശ്ചാത്തലത്തിൽ കൂടിയാലോചനകൾക്കായി സ്​ഥാനപതിയെ ഇന്ത്യ തിരികെ വിളിച്ചിരുന്നു. പാകിസ്​താനുമായി ബന്ധപ്പെട്ട കാര്യങ്ങൾ മാത്രമല്ല, മറ്റ്​ രാജ്യങ്ങളുമായുള്ള നയതന്ത്ര കാര്യങ്ങളും ഇന്ത്യൻ സ്​ഥാനപതി കൈകാര്യം ചെയ്യും.

കഴിഞ്ഞ മാസം 18ന്​ പാകിസ്താൻ തിരികെ വിളിച്ച ഇന്ത്യയിലെ പാക്​ സ്​ഥാനപതി സൊഹൈൽ മഹമൂദ്​ ശനിയാഴ്​ച ഡൽഹിയിൽ എത്തുമെന്നാണ്​ കരുതുന്നത്​.

പുൽവാമ ഭീകരാക്രമത്തി​​െൻറ ഉത്തരവാദിത്തം പാക്​ ഭീകര സംഘടനയായ ജെയ്​ശെ മുഹമ്മദ്​ ഏറ്റെട​ുത്തതോടെ ഇന്ത്യയും പാകിസ്​താനും തമ്മിലുള്ള ബന്ധം വഷളാവ​ുകയും സംഘർഷം മൂർച്ഛിക്കുകയും ചെയ്​തിരുന്നു.