ഇന്ത്യയിൽ കോവിഡ്​ രോഗികളുടെ എണ്ണം കുറയുന്നു

ന്യൂഡൽഹി: രാജ്യത്ത്​ കഴിഞ്ഞ ദിവസം 35,551 പേർക്ക്​ കൂടി കോവിഡ്​ സ്ഥിരീകരിച്ചു. ഇതോടെ ആകെ രോഗികളുടെ എണ്ണം 95,34,964 ആയി ഉയർന്നു. 4,22,943 പേരാണ്​ നിലവിൽ ചികിൽസയിലുള്ളത്​. 89,73,373 പേർ രോഗമുക്​തി നേടി.

കോവിഡ്​ ബാധിച്ച്​ 24 മണിക്കൂറിനിടെ 526 പേർമരിച്ചു. ഇതോടെ ആകെ മരണം 1,38,648 ആയി ഉയർന്നു. കഴിഞ്ഞ 132 ദിവസത്തിനിടെ ഇതാദ്യമായാണ്​ രാജ്യത്തെ ചികിൽസയിലുള്ള രോഗികളുടെ എണ്ണം 4.28 ലക്ഷത്തിലേക്ക്​ താഴുന്നത്. ആകെ രോഗികളുടെ എണ്ണത്തിൻെറ 4.51 ശതമാനം മാത്രമാണ്​ ചികിൽസയിലുള്ളത്​.

ഇന്ത്യയുടെ രോഗമുക്​തി നിരക്ക്​ 94.03 ശതമാനമാണ്​. രാജ്യത്തെ രോഗികളിൽ ഭൂരിപക്ഷവും 10 സംസ്ഥാനങ്ങളിലായാണ്​ ഉള്ളത്​.​