ഇന്ത്യയിൽ കോവിഡ്​ മരണം ഒരു ലക്ഷത്തിലേക്ക്​; 81,484 പുതിയ രോഗികൾ

ന്യൂഡൽഹി: രാജ്യത്തെ​ കോവിഡ്​ മരണം ഒരു ലക്ഷത്തിലേക്ക്​ കടക്കുന്നു. കഴിഞ്ഞ 24 മണിക്കൂറിനിടെ 81, 484 പേർക്കാണ്​ കോവിഡ്​ സ്ഥിരീകരിച്ചത്​. ഇതോടെ രാജ്യത്തെ കോവിഡ്​ ബാധിതരുടെ എണ്ണം 63, 94,069 ആയി. വൈറസ്​ ബാധയെ തുടർന്ന്​ 1095 പേർ കൂടി മരിച്ചതോടെ രാജ്യത്തെ കോവിഡ്​ മരണസംഖ്യ 99,773 ആയി ഉയർന്ന​ു. മരണനിരക്ക്​ 1.56 ശതമാനമാണ്​.

നിലവിൽ 9,42,217 പേരാണ്​ ചികിത്സയിലുള്ളത്​. 53.52 ലക്ഷം പേർ രോഗമുക്തി നേടി. 83.70 ശതമാനമാണ്​ രാജ്യത്തെ കോവിഡ്​ രോഗമുക്തി നിരക്ക്​.

ഒക്​ടോബർ ഒന്നുവരെ കണക്ക്​ പ്രകാരം 7.67 കോടി കോവിഡ്​ പരിശോധനകളാണ്​ നടത്തിയതെന്ന്​ ഐ.സി.എം.ആർ അറിയിച്ചു. ഒക്​ടോബർ ഒന്നിന്​ 10,97, 947 സാമ്പിളുകളാണ്​ പരിശോധനക്ക്​ വിധേയമാക്കിയത്​.