24 മണിക്കൂറിനിടെ 29,164 കോവിഡ്​ ബാധിതർ; നാലുമാസത്തെ ഏറ്റവും താഴ്​ന്ന നിരക്കിൽ

ന്യൂഡൽഹി: രാജ്യത്ത്​ ​പുതുതായി കോവിഡ്​ സ്​ഥിരീകരിച്ചവരുടെ എണ്ണം നാലുമാസ​ത്തെ ഏറ്റവും താഴ്​ന്ന നിരക്കിൽ. 24 മണിക്കൂറിനിടെ 29,164 പേർക്കാണ്​ കോവിഡ്​ സ്​ഥിരീകരിച്ചത്​. ഇതോടെ രാജ്യത്ത്​ രോഗം​ സ്​ഥിരീകരിച്ചവരുടെ എണ്ണം 88,74,291 ആയതായി ആരോഗ്യമന്ത്രാലയം അറിയിച്ചു.

449 പേർ 24 മണിക്കൂറിനിടെ കോവിഡ്​ ബാധിച്ച്​ മരിച്ചു. ഇതോടെ കോവിഡ്​ മൂലം ജീവൻ നഷ്​ടമായവരുടെ എണ്ണം 1,30,519 ആയി. 4.53 ലക്ഷം പേരാണ്​ നിലവിൽ ചികിത്സയിൽ കഴിയുന്നത്​.

40,791 പേർ 24 മണിക്കൂറിനിടെ രോഗമുക്തി നേടുകയും ചെയ്​തു. 82,90,371 ​േപർ ഇതുവരെ രോഗമുക്തി നേടി. 83 ശതമാനമാണ്​ രാജ്യത്തെ രോഗമുക്തി നിരക്ക്​.

അതേമസയം വാക്​സിൻ സംബന്ധിച്ച്​ പുറത്തുവരുന്ന വാർത്തകൾ ലോകത്തിന്​ പ്രതീക്ഷ നൽകുന്നുണ്ട്​. അമേരിക്കൻ കമ്പനിയായ ഫൈസറി​െൻറ വാക്​സിനും റഷ്യയുടെ സ്​പുട്​നിക്​ അഞ്ച്​ വാക്​സിനും വിജയകരമായ വാർത്തകൾ പുറത്തുവന്നതിന്​ പിന്നാലെ അമേരിക്കൻ ബയോടെക്​നോളജി കമ്പനിയായ മോഡേണയും പരീക്ഷണം വിജയകരമാണെന്ന്​ പ്രഖ്യാപിച്ച്​ രംഗത്തെത്തിയിരുന്നു. തങ്ങളുടെ കോവിഡ്​ വാക്​സിൻ 94.5 ശതമാനം ഫലപ്രദമാണെന്നാണ്​ മോഡേണയുടെ വാദം.