ബാറ്റ്​ എം.എൽ.എയുടെ നടപടി വിജയം കണ്ടില്ല; ഇൻഡോറിലെ കൈയേറ്റങ്ങൾ പൊളിച്ച്​ കോർപറേഷൻ

ന്യൂഡൽഹി: ബി.ജെ.പി എം.എൽ.എ ആകാശ്​ വിജയവർഗീയ മുനിസിപ്പൽ കോർപറേഷൻ ഉദ്യോഗസ്ഥനെ മർദിച്ച്​ തടയാൻ ശ്രമിച്ച ഇൻഡോറ ിലെ കൈയേറ്റങ്ങൾ അധികൃതർ ​പൊളിച്ചുമാറ്റി. ഗഞ്ചി കോമ്പൗണ്ടിലെ അനധികൃത കെട്ടിടങ്ങളാണ്​ കോർപറേഷൻ അധികൃതർ പൊ ളിച്ചു മാറ്റുന്നത്​. ഇന്ന്​ രാവിലെയാണ്​ അനധികൃത കെട്ടിടങ്ങൾ പൊളിച്ച്​ മാറ്റാൻ ആരംഭിച്ചത്​.

ജൂൺ 26ന്​ പ്രദേശത്തെ അനധികൃത കെട്ടിടങ്ങൾക്കെതിരെ നടപടിയെടുക്കാനെത്തിയ ഇൻഡോർ മുനിസിപ്പൽ കോർപറേഷൻ ഉദ്യോഗസ്ഥനെ എം.എൽ.എ ആകാശ്​ വിജയവർഗീയയും അനുയായികളും തടയുകയും ​എം.എൽ.എ ബാറ്റ് ഉപയോഗിച്ച്​ ഉദ്യോഗസ്ഥനെ മർദിക്കുകയും ചെയ്​തിരുന്നു. എന്നാൽ എം.എൽ.എയുടെ നടപടിയെ പ്രധാനമന്ത്രി നരേന്ദ്ര മോദി ഉൾപ്പെടെയുള്ളവർ എതിർത്തു.

ഗഞ്ചി കോമ്പൗണ്ടിലെ കയ്യേറ്റങ്ങൾ തടയാനെത്തിയ എം.എൽ.എയും ഉദ്യോഗസ്ഥനും തമ്മിൽ വക്കേറ്റമുണ്ടാവുകയും ഇതേതുടർന്ന്​ എം.എൽ.എ ബാറ്റുപയോഗിച്ച്​ ഉദ്യോഗസ്ഥനെ മർദ്ദിക്കുകയുമായിരുന്നു. തുടർന്ന്​ എം.എൽ.എയുടെ അനുയായികളും ഉദ്യോഗസ്ഥരെ കൈയേറ്റം ചെയ്​തു. മാധ്യപ്രവർത്തകരുടെയും നാട്ടുകാരുടെയും മുമ്പിൽ വെച്ചായിരുന്നു മർദനം​.

പൊലീസ്​ ഉദ്യോഗസ്ഥർ ഇടപെട്ടാണ് ഉദ്യോസ്ഥരെ​ അക്രമികളിൽ നിന്ന്​ രക്ഷപ്പെടുത്തിയത്​. റിമാൻഡിലായ ആ​കാ​ശിന് നാ​ലു​ ദി​വ​സ​ത്തെ ജ​യി​ൽ​വാ​സ​ത്തി​നൊ​ടു​വി​ലാണ്​ ജാ​മ്യം അ​നു​വ​ദി​ച്ച​ത്.