സ്ഥ​ലം​മാ​റ്റ​ത്തി​ലെ ഇ​ട​പെ​ട​ൽ: പ്ര​തി​പ​ക്ഷ​ത്തി​ന്റേ​ത് വി​ല​കു​റ​ഞ്ഞ ആ​രോ​പ​ണം -യ​തീ​ന്ദ്ര

ബം​ഗ​ളൂ​രു: സ​ർ​ക്കാ​ർ ഉ​ദ്യോ​ഗ​സ്ഥ​രു​ടെ സ്ഥ​ലം​മാ​റ്റ കാ​ര്യ​ത്തി​ൽ താ​ൻ ഇ​ട​പെ​ട്ടു​വെ​ന്ന ആ​രോ​പ​ണം വി​ല​കു​റ​ഞ്ഞ രാ​ഷ്ട്രീ​യ​മാ​ണെ​ന്ന് മു​ഖ്യ​മ​ന്ത്രി സി​ദ്ധ​രാ​മ​യ്യ​യു​ടെ മ​ക​നും വ​രു​ണ മ​ണ്ഡ​ലം മു​ൻ എം.​എ​ൽ.​എ​യു​മാ​യ ഡോ. ​യ​തീ​ന്ദ്ര വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു. ക​ഴി​ഞ്ഞ ദി​വ​സ​മാ​ണ് മൈ​സൂ​രു​വി​ൽ ന​ട​ന്ന പൊ​തു​ച​ട​ങ്ങി​നി​ടെ യ​തീ​ന്ദ്ര സം​സാ​രി​ക്കു​ന്ന വി​ഡി​യോ പു​റ​ത്തു​വ​ന്ന​ത്.

ഉ​ദ്യോ​ഗ​സ്ഥ​രു​ടെ സ്ഥ​ലം​മാ​റ്റ​ത്തി​ന് ഡോ. ​യ​തീ​ന്ദ്ര ഇ​ട​െ​പ​ട്ടു​വെ​ന്നും കൈ​ക്കൂ​ലി ആ​വ​ശ്യ​പ്പെ​ട്ടു​വെ​ന്നു​മു​ള്ള ത​ര​ത്തി​ലു​ള്ള വി​ഡി​യോ ജെ.​ഡി.​എ​സും ബി.​ജെ.​പി​യും പ്ര​ച​രി​പ്പി​ച്ചി​രു​ന്നു. സി​ദ്ധ​രാ​മ​യ്യ​ക്ക് സ്ഥ​ലം​മാ​റ്റ​ത്തി​നു​ള്ള നി​ർ​ദേ​ശം മ​ക​ൻ ന​ൽ​കു​ന്ന ത​ര​ത്തി​ലു​ള്ള​താ​യി​രു​ന്നു വി​ഡി​യോ.

മൈ​സൂ​രു ജി​ല്ല​യി​ലെ പൊ​തു​പ​രി​പാ​ടി​ക്കി​ടെ യ​തീ​ന്ദ്ര ഫോ​ണി​ൽ സം​സാ​രി​ക്കു​ന്ന​താ​ണ് വി​ഡി​യോ​യി​ലു​ള്ള​ത്. താ​ൻ ത​ന്ന അ​ഞ്ചു​പേ​രു​ടെ പ​ട്ടി​ക​യി​ൽ പ​റ​ഞ്ഞ​പ്ര​കാ​രം ചെ​യ്യ​ണ​മെ​ന്നാ​ണ് ഇ​തി​ൽ യ​തീ​ന്ദ്ര പ​റ​യു​ന്ന​ത്. ഫോ​ൺ സം​ഭാ​ഷ​ണം പി​താ​വാ​യ സി​ദ്ധ​രാ​മ​യ്യ​യു​മാ​യാ​ണ് ന​ട​ന്ന​തെ​ന്നും കൈ​ക്കൂ​ലി​ക്കാ​യി മ​ക​ൻ ഇ​ട​പെ​ടു​ക​യാ​ണ് ചെ​യ്ത​തെ​ന്നു​മാ​യി​രു​ന്നു ആ​രോ​പ​ണം.

എ​ന്നാ​ൽ, താ​ൻ നി​ര​വ​ധി പ​ട്ടി​ക​ക​ൾ വ​രു​ണ മ​ണ്ഡ​ല​വു​മാ​യി ബ​ന്ധ​പ്പെ​ട്ട് സി​ദ്ധ​രാ​മ​യ്യ​ക്ക് ന​ൽ​കാ​റു​ണ്ടെ​ന്ന് യ​തീ​ന്ദ്ര പ​റ​ഞ്ഞു. അ​ത് ഉ​ദ്യോ​ഗ​സ്ഥ​രു​ടെ സ്ഥ​ലം​മാ​റ്റ പ​ട്ടി​ക​യാ​ണെ​ന്ന് എ​ങ്ങ​നെ​യാ​ണ് പ​റ​യാ​ൻ ക​ഴി​യു​ക. മ​ണ്ഡ​ല​ത്തി​ലേ​ക്കു​ള്ള സി.​എ​സ്.​ആ​ർ ഫ​ണ്ടു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ളാ​ണ് മു​ഖ്യ​മ​ന്ത്രി​യോ​ട് സം​സാ​രി​ച്ച​​​ത്.

വെ​ള്ളി​യാ​ഴ്ച ഇ​റ​ങ്ങി​യ പൊ​ലീ​സ് ഇ​ൻ​സ്​​പെ​ക്ട​ർ​മാ​രു​ടെ സ്ഥ​ലം​മാ​റ്റ​വു​മാ​യി ബ​ന്ധ​പ്പെ​ട്ട് ത​നി​ക്ക് അ​റി​വി​ല്ലെ​ന്നും യ​തീ​ന്ദ്ര പ​റ​ഞ്ഞു. സി​ദ്ധ​രാ​മ​യ്യ പ്ര​തി​നി​ധാ​നം ചെ​യ്യു​ന്ന വ​രു​ണ മ​ണ്ഡ​ല​ത്തി​ലെ ഹൗ​സി​ങ് ​​പ്രോ​ഗ്രാം അ​വ​യ​ർ​ന​സ് ക​മ്മി​റ്റി​യു​ടെ ചെ​യ​ർ​മാ​നാ​ണ് നി​ല​വി​ൽ ഡോ. ​യ​തീ​ന്ദ്ര. പി​താ​വി​ന്റെ മ​ണ്ഡ​ല​ത്തി​ന്റെ വി​വി​ധ വി​ക​സ​ന കാ​ര്യ​ങ്ങ​ളു​ടെ ചു​മ​ത​ല വ​ഹി​ക്കു​ക​യാ​ണ് ഇ​പ്പോ​ൾ.