ഹനുമാൻ നാമജപം സ്കൂളുകളിലും മദ്രസകളിലും നടപ്പാക്കൂ -കെജ്​രിവാളിനോട് ബി.ജെ.പി നേതാവ്

ന്യൂഡൽഹി: ഹനുമാൻ ഭക്തി തുറന്നുപ്രകടിപ്പിച്ച അരവിന്ദ് കെജ്​രിവാളിനോട് ഡൽഹിയിലെ സ്കൂളുകളിലും മദ്രസകളിലും ഹന ുമാൻ നാമജപം നടപ്പാക്കൂവെന്ന് നിർദേശിച്ച് ബി.ജെ.പി ജനറൽ സെക്രട്ടറി കൈലാഷ് വിജയ്​വർഗീയ. ആം ആദ്മി പാർട്ടിയുടെ വിജ യത്തിൽ കെജ്​രിവാളിനെ അഭിനന്ദിച്ചുള്ള ട്വീറ്റിലാണ് കൈലാഷ് വിജയ്​വർഗീയയുടെ നിർദേശം.

കെജ്​രിവാളിന് അഭിനന് ദനങ്ങൾ. ഹനുമാൻ സ്വാമിയിൽ വിശ്വാസം അർപ്പിച്ചവരാണ് വിജയിച്ചത്. സ്കൂളുകളും മദ്രസകളും ഉൾപ്പടെ ഡൽഹിയിലെ മുഴുവൻ വിദ്യാഭ്യാസ സ്ഥാപനങ്ങളിലും ഹനുമാൻ നാമജപം നിർബന്ധമാക്കാൻ സമയമായി. ഹനുമാന്‍റെ അനുഗ്രഹം എന്തുകൊണ്ട് ഡൽഹിയിലെ കുട്ടികൾക്ക് ലഭ്യമാക്കുന്നില്ല -വിജയ്​വർഗീയ ട്വീറ്റിൽ ചോദിച്ചു.

ഡൽഹിയിലെ തെരഞ്ഞെടുപ്പ് വിജയം ഹനുമാൻ സ്വാമിയുടെ അനുഗ്രഹമാണെന്ന് ഫലപ്രഖ്യാപനത്തിന് തൊട്ടുപിന്നാലെ കെജ്​രിവാൾ പറഞ്ഞിരുന്നു. തെരഞ്ഞെടുപ്പിന്​ ഒരാഴ്​ച മുമ്പ്​ ഹനുമാൻ ക്ഷേത്രത്തിൽ ദർശനത്തിനെത്തുകയും ചെയ്തിരുന്നു. നേരത്തെ, ടി.വി ചാനലിലെ അഭിമുഖത്തിൽ കെജ്​രിവാൾ ഹനുമാൻ ചാലിസ ചൊല്ലിയിരുന്നു.