‘ഉരുക്കു വനിത’ ഇറോം ശർമ്മിളയുടെ വിവാഹം ആഗസ്​റ്റിൽ

കോയമ്പത്തൂർ: മണിപ്പൂരിലെ സമരനായികയും മനുഷ്യാവകാശ പ്രവർത്തകയുമായ ഇറോം ശർമിളയും ഡെസ്​മൊണ്ട്​ കുട്ടിനോയും തമ്മിലുള്ള വിവാഹം ആഗസ്​റ്റിൽ നടക്കും. ഇതി​​​​െൻറ മുന്നോടിയായി ഇരുവരും ബുധനാഴ്​ച രാവിലെ ഡിണ്ടുഗൽ ജില്ലയിലെ കൊടൈക്കനാൽ സബ്​ രജിസ്​ട്രാർ ഒാഫിസിലെത്തി. 

ഷർമിള ഹിന്ദുവും ഡെസ്​മൊണ്ട്​ വിദേശപൗരനും ക്രിസ്​ത്യനുമായതിനാൽ ഇരുവരും​ ഒരു മാസംമു​േമ്പ നോട്ടിഫിക്കേഷൻ നൽകണമെന്നാണ്​ നിയമം. ഇതുപ്രകാരമാണ് ബന്ധപ്പെട്ട രേഖകൾ സഹിതം ഇരുവരും സബ്​രജിസ്​ട്രാർ ഒാഫിസിലെത്തി അപേക്ഷ സമർപ്പിച്ചത്​. ആഗസ്​റ്റ്​ 12നോ 13നോ വിവാഹം നടത്താനാണ്​ ഉദ്ദേശിക്കുന്നത്​. 

മണിപ്പൂർ നിയമസഭ തെരഞ്ഞെടുപ്പിൽ മത്സരിച്ച്​ തോറ്റ ഇറോം രാഷ്​ട്രീയത്തിൽനിന്ന്​ വിരമിച്ചിരുന്നു. മണിപ്പൂരിലെ പ്രത്യേക സൈനികാധികാര നിയമമായ അഫ്​​സ്​പക്കെതിരെ ഒന്നര ദശാബ്​ദകാലം നീണ്ട ഉപവാസ സമരം കഴിഞ്ഞ വർഷം ആഗസ്​റ്റിലാണ്​ അവസാനിപ്പിച്ചത്​. ബ്രിട്ടീഷ്​ പൗരത്വമുള്ള ഗോവൻ വംശജനായ ഡെസ്​മൊണ്ടുമായി 2011ലാണ്​ ഇറോം പരിചയപ്പെട്ടത്​. വിവാഹശേഷം കൊടൈക്കനാലിൽ സ്​ഥിര താമസമാക്കാനാണ്​ ഉദ്ദേശിക്കുന്നത്​.