എന്നെ ആ​ലോചിച്ച് പാർട്ടി വിടാൻ മാ​ത്രം ദുർബലനാണോ സിന്ധ്യ​?- ജയവർധൻ സിങ്

‘എ​ന്നെ ആ​ലോ​ചി​ച്ച് പാ​ർ​ട്ടി വി​ടാ​ൻ മാ​ത്രം ദു​ർ​ബ​ല​നാ​ണോ കേ​ന്ദ്ര മ​ന്ത്രി ജ്യോ​തി​രാ​ദി​ത്യ സി​ന്ധ്യ’ എ​ന്ന് രാ​ഘ​വ്ഗ​ഢി​ലെ സി​റ്റി​ങ് എം.​എ​ൽ.​എ​യും ദി​ഗ്‍വി​ജ​യ് സി​ങ്ങി​ന്റെ മ​ക​നും ക​മ​ൽ​നാ​ഥ് സ​ർ​ക്കാ​റി​ൽ ന​ഗ​ര​വി​ക​സ​ന മ​ന്ത്രി​യു​മാ​യി​രു​ന്ന ജ​യ​വ​ർ​ധ​ൻ സി​ങ് ചോ​ദി​ച്ചു.

ഒ​രു വ്യ​ക്തി മൂ​ലം ഒ​രാ​ൾ പാ​ർ​ട്ടി വി​ട​ണ​മെ​ങ്കി​ൽ അ​യാ​ൾ അ​തി​നു​മാ​ത്രം ദു​ർ​ബ​ല​നാ​ക​ണം. അ​തൊ​രി​ക്ക​ലും സം​ഭ​വി​ക്കി​ല്ലെ​ന്നും ജ​യ​വ​ർ​ധ​ൻ സി​ങ് തു​ട​ർ​ന്നു. ജ​നം ക​രു​തു​ന്ന പോ​ലെ ത​നി​ക്കും സി​ന്ധ്യ​ക്കു​മി​ട​യി​ൽ ഒ​രു പ്ര​ശ്ന​വു​മു​ണ്ടാ​യി​ട്ടി​ല്ല. ഞ​ങ്ങ​ൾ ത​മ്മി​ൽ ന​ല്ല ബ​ന്ധ​മാ​യി​രു​ന്നു.

കേ​ന്ദ്ര​ത്തി​ൽ കോ​ൺ​ഗ്ര​സ് സ​ർ​ക്കാ​റി​ൽ ര​ണ്ടു​ത​വ​ണ മ​ന്ത്രി​യാ​യി​രു​ന്ന നേ​താ​വാ​ണ് അ​ദ്ദേ​ഹം. 2018ൽ ​കോ​ൺ​ഗ്ര​സ് ഭ​രി​ച്ച 15 മാ​സം സി​ന്ധ്യ​യോ​ടൊ​പ്പ​മു​ള്ള എ​ട്ടു​പേ​ർ മ​ന്ത്രി​സ​ഭ​യി​ലു​ണ്ടാ​യി​രു​ന്നു. ഇ​ത്ര​യും പേ​രെ മ​ന്ത്രി​യാ​ക്കി​യി​ട്ടും അ​വ​രെ​ക്കൊ​ണ്ട് കാ​ര്യ​ങ്ങ​ൾ ചെ​യ്യി​ക്കാ​ൻ അ​ദ്ദേ​ഹ​ത്തി​ന് ക​ഴി​ഞ്ഞി​ല്ലെ​ന്നാ​ണോ പ​റ​യു​ന്ന​ത്? ഈ ​മ​ന്ത്രി​മാ​ർ സ്വ​ന്തം നി​ല​ക്കും പ​ണി​യെ​ടു​ത്തി​ട്ടി​ല്ലേ​? മ​ന്ത്രി​പ​ദ​വി ല​ഭി​ച്ചെ​ങ്കി​ൽ പ​ണി​യെ​ടു​ത്താ​ണ് അ​തി​ന്റെ ഫ​ലം കാ​ണി​ച്ചു​കൊ​ടു​ക്കേ​ണ്ട​ത്.

സി​ന്ധ്യ പ​റ​ഞ്ഞ എ​ല്ലാ കാ​ര്യ​ങ്ങ​ളും ക​മ​ൽ​നാ​ഥ് ചെ​യ്തു​കൊ​ടു​ത്തി​ട്ടു​ണ്ട്. സി​ന്ധ്യ സ്കൂ​ളി​​ന്റേ​ത​ട​ക്കം മ​ന്ത്രി​സ​ഭ​യി​ൽ അ​ദ്ദേ​ഹ​ത്തി​ന്റേ​താ​യി വ​ന്ന എ​ല്ലാ കാ​ര്യ​ങ്ങ​ളും പാ​സാ​ക്കി​ക്കൊ​ടു​ത്തു. ഇ​തി​നു​ള്ള അ​ധി​കാ​ര​മെ​ല്ലാം സി​ന്ധ്യ​ക്കു​ണ്ടാ​യി​രു​ന്നു. എ​ന്നാ​ൽ, 2019ലെ ​ലോ​ക്സ​ഭാ തെ​ര​ഞ്ഞെ​ടു​പ്പി​ൽ തോ​റ്റ​ത് ഉ​ൾ​ക്കൊ​ള്ളാ​ൻ സി​ന്ധ്യ​ക്കാ​യി​ല്ല. അ​തു​കൊ​ണ്ടാ​ണ് അ​ദ്ദേ​ഹം കോ​ൺ​​ഗ്ര​സ് വി​ട്ട​തെ​ന്നും ജ​യ​വ​ർ​ധ​ൻ സി​ങ് അ​വ​കാ​ശ​പ്പെ​ട്ടു.